દેશની 4 હાઇકોર્ટમાં પ્રથમ વખત જજ તરીકે મહિલાઓની નિમણૂંક

આજ સુધી કાયદાની ઊંચી ખુરશીઓ પર મોટાભાગે પુરૂષોનો કબ્જો રહ્યો છે. પરંતુ હવે આ ક્ષેત્રમાં પણ મહિલાઓ પર પોતાની કમાલ દેખાડશે. દેશની અડધી વસ્તી માટે સારી ખબર એ છે કે દેશના ચાર મોટા અને સૌથી જૂની હાઇકોર્ટની મુખિયા હવે મહિલા જજ છે. આ વખત પ્રથમ વાર દેશની હાઇકોર્ટમાં જજ તરીકે મહિલાની નિમણૂક કરવામાં આવી છે અને આ ચાર હાઇકોર્ટ છે મુંબઇ દિલ્હી કોલકત્તા અને ચેન્નાઇ. 31 માર્ચના રોજ ઇન્દિરા બેનર્જીને મદ્રાસ હાઇકોર્ટના ચિફ જસ્ટીસ તરીકે નીમવામાં આવ્યાં છે. ભારતના ઇતિહાસમાં આ રીતની પ્રથમ ઘટના બની છે અને આ સાથે જ મહિલા જજોની સંખ્યા વધીને 6 થઇ ગઇ છે. અને અહીં કુલ 53 પુરૂષો ન્યાયાધીશ છે. 

દેશમાં મુંબઇ હાઇકોર્ટમાં સૌથી વધારે મહિલાઓ ફરજ બજાવી રહી છે. અહીં 61 પુરૂષ જજ છે. જ્યારે 11 મહિલા જજ છે. અનેક સારા નિર્ણયોને કારણે જાણીતા દિલ્હી હાઇ કોર્ટના ચીફ જસ્ટિસ જી. રોહિણી આ પદ પર એપ્રિલ 2014થી બિરાજમાન છે. દિલ્હી હાઇકોર્ટમાં મહિલા જજોની સંખ્યા 9 અને પુરૂષ જજોની સંખ્યા 35 છે.

કલકત્તા હાઇ કોર્ટની કાર્યકારી ચિફ જસ્ટિસ નિશિતા નિર્મલ આ પદ પર 1 ડિસેમ્બર 2016થી છે. અહીં માત્ર 4 મહિલા જજ છે. જ્યારે પુરૂષ જજની સંખ્યા 35 છે. પરંતુ સમગ્ર દેશની વાત કરીએ તો દેશભરમાં 24 હાઇકોર્ટમાં 632 જજમાં માત્ર 68 મહિલા જજ છે.