છેલ્લા ઘણા સમયથી ફેમસ ફિલ્મ અને ટીવી પ્રોડ્યુસર એકતા કપૂર પોતાની આગામી વેબસીરીઝ 'ટ્રિપલ એક્સ 2'નાં કારણે વિવાદોમાં છે. આ મામલે હિન્દુસ્તાની ભાઉએ એકતા કપૂરની વિરુદ્ધ ફરિયાદ નોંધાવી છે જે બાદ એકતા કપૂરે પણ હિન્દુસ્તાની ભાઉને જવાબ આપ્યો છે. એકતાએ કહ્યું કે સેનાથી માફી માંગવામાં મને કોઈ જ ખચકાટ નથી, અને વિવાદિત હિસ્સો તો પહેલેથી હટાવી દેવામાં આવ્યો છે.
સેના પર વિવાદિત દ્રશ્યો બાદ શરુ થયો છે વિવાદ
એકતા કપૂરે હિન્દુસ્તાની ભાઉને આપ્યો જવાબ
હિન્દુસ્તાની ભાઉએ પહેલા ફરિયાદ અને હવે નોટીસ ફટકારી
સેક્સ ખરાબ અને રેપ સારું ? : એકતા કપૂર
હિન્દુસ્તાની ભાઉ પર ભડકેલી એકતાએ કહ્યું કે આ માણસ સમજે છે કે તે પોતે ખૂબ મોટો ક્રાંતિકારી છે. તે સમજે છે કે તે આવીને મને અને મારી માને ગાળો આપશે અને તેના ટ્રોલ્સ પણ તે જ કામ કરશે. અમને રેપની ધમકીઓ મળી રહી છે. હવે આ સેક્સ અથવા આર્મીથી જોડાયેલો મુદ્દો નથી રહ્યો કારણ કે હવે એક યુવતીના રેપ વિશે વાતો કરવામાં આવી રહી છે. એટલે કે સેક્સ તો ખૂબ જ ખરાબ છે પણ રેપ કરવામાં કોઈ બુરાઈ નથી ?
એકતાએ આપી સફાઈ
એકતાએ સફાઈ આપતા એમ પણ કહ્યું કે તે ભારતીય સેનાનો ખૂબ સન્માન કરે છે અને તેમની વેબસિરીઝ કાલ્પનિક છે. જોકે તે હિસ્સો હટાવી દેવામાં આવ્યો છે. એકતાએ વધુમાં કહ્યું કે તે સાયબર બુલીંગની સામે શાંત નહી બેશે અને જે આજે તેમની સાથે થઇ રહ્યું છે તે કોઈ પણ છોકરી કે મહિલા સાથે થઇ શકે છે.
હિન્દુસ્તાની ભાઉએ એકતા કપૂરને લિગલ નોટિસ ફટકારી છે. એકતા કપૂરને આ સિરિઝમાં સેનાના કરેલા અપમાન બદલ 100 કરોડ રુપિયાની નોટીસ ફટકારવામાં આવી છે. નોટીસ અનુસાર ભાઉના વકીલે કહ્યું હતું કે એકતા કપૂરે વચન પણ આપવુ પડશે કે ભવિષ્યમાં સેનાનુ આ રીતે પડદા પર અપમાન કરતા દ્રશ્યો નહી બતાવે.એવું પણ સામે આવ્યું છે કે હાઇકોર્ટમાં વેબસાઈટ પર પ્રતિબંધ માટે અરજી કરાઈ છે.