શોધ / ભારતમાં લોન્ચ થઇ વિશ્વની સૌથી સસ્તી કોરોના ટેસ્ટ કિટ, ત્રણ કલાકમાં રિઝલ્ટ, જાણો કિંમત

• દુનિયાની સૌથી સસ્તી કોરોના ટેસ્ટિંગ કિટ લોન્ચ 
• કેન્દ્રીય મંત્રીએ કરાવી શરૂઆત 
• માત્ર ત્રણ કલાકમાં પરિણામ આપતા હોવાનો દાવો 

કોરોના વાયરસના કારણે દેશમાં સતત કેસ વધી રહ્યા છે અને બીમારી સામે લડવા માટે વધુમાં વધુ ટેસ્ટિંગ અતિ આવશ્યક છે ત્યારે દિલ્હીની આઈઆઈટીએ નવી ટેસ્ટિંગ કિટ લોન્ચ કરી દીધી છે. આ ટેસ્ટિંગ કીટને બુધવારે લોન્ચ કરવામાં આવી છે જે સસ્તા ભાવે માર્કેટમાં ઉપલબ્ધ રહેશે. 

Launching the world's most affordable probe free RT-PCR based #COVID19 diagnostic kit, along with MoS for HRD Shri @SanjayDhotreMP ji. #AatmaNirbharBharat https://t.co/7u9dqR79W9

— Dr. Ramesh Pokhriyal Nishank (@DrRPNishank) July 15, 2020

મેક ઇન ઈન્ડિયા પ્રોગ્રામ હેઠળ તૈયાર કરવામાં આવેલ આ કિટની કિંમત માત્ર 399 રૂપિયા છે જોકે બજારમાં તે 650 રૂપિયામાં ઉપલબ્ધ થશે. IITએ દાવો કર્યો છે કે આ કીટથી ત્રણ કલાકમાં જ કોરોના વાયરસ ટેસ્ટના રીઝલ્ટ આવી જશે એવામાં ટેસ્ટિંગમાં મામલામા ભારત માટે એક મોટી સફળતા સાબિત થઇ શકે છે. 

આ કોરોના ટેસ્ટ કિટની કિંમત જોવા જઈએ તો ટેસ્ટ કિટની કિંમત 399 રૂપિયા અને RNA કિટની કિંમત 150 રૂપિયા છે. જોકે બજારમાં આ કિટ 650 રૂપિયામાં ઉપલબ્ધ થશે. 

અત્યારે એન્ટીજન ટેસ્ટ થઇ ગયા બાદ RTPCR ટેસ્ટ કરવો પડે છે પરંતુ આ ટેસ્ટ કિટમાં દાવો કરવામાં આવ્યો છે કે આ કિટનાં ભાવ ઓછા છે કારણ કે ટેસ્ટ બાદ ફરીથી તેની તપાસ કરવાની જરૂર નથી. IIT દિલ્હી દ્વારા હવે કિટ બનાવવાની ટેક્નિક અને ન્યૂટેક મેડીકલ ડિવાઈસ શેર કરવામાં આવી રહ્યું છે જે બાદ હવે દર મહીને વીસ લાખ ટેસ્ટ કરવામાં આવશે. 

પહેલા બહારથી ટેસ્ટિંગ કિટ અને ટૂલ મંગાવવામાં આવી રહ્યા હતા અને હવે ભારતમાં જ તેનું નિર્માણ શરુ કરી દેવામાં આવ્યું છે. હવે ભારતમાં RTPCR, એન્ટીજન, પૂલ ટેસ્ટિંગ જેવી ટેક્નિકનો ઉપયોગ કરવામાં આવી રહ્યો છે.