ઓમિક્રોન પર હાઈ લેવલની બેઠકમાં પ્રધાનમંત્રી મોદીએ રાજ્યોને ચેતવણી આપી કે તેમણે ઓમિક્રોને લઈને ચેતતા રહેવું જોઈએ.
ઓમિક્રોનને લઈને PM મોદીએ યોજી હાઈ લેવલ બેઠક
મોદીએ કહ્યું-ઓમિક્રોને લઈને ચેતતા રહેવું જોઈએ
અધિકારીઓને આપ્યા આદેશ-હોસ્પિટલોમાં દવાઓ અને ઓક્સિજન વધારો
પ્રધાનમંત્રી મોદીએ કહ્યું કે સરકાર સતર્ક છે. બીમારીના અટકાવ અને પ્રબંધન માટે કેન્દ્ર સરકાર રાજ્યોને પૂરો સહયોગ આપી રહી છે. તત્કાળ અને પ્રભાવી કોન્ટેક્ટ, ટ્રેસિંગ અને ટેસ્ટિંગમાં ઝડપ, વેક્સિનેશનમાં ઝડપ લાવવી તથા સ્વાસ્થ્ય સુવિધાઓને મજબૂત કરવા પર ધ્યાન આપવું જોઈએ.
પ્રધાનમંત્રી મોદીએ બેઠકમાં અધિકારીઓને કહ્યું કે ઓમિક્રોનથી બચવા માટે આપણે સતર્ક અને સાવધાન રહેવું જોઈએ. સાંજના લગભગ 7 વાગ્યે શરુ થયેલી બેઠક એક કલાક સુધી ચાલી હતી તેમાં પ્રધાનમંત્રી મોદીએ અધિકારીઓને દવાઓ અને ઓક્સિજનનો સ્ટોક વધારવા તથા દેશભરમાં વેક્સિનેશન વધારવા સંબંધિત નિર્દેશ આપ્યો હતો.
પ્રધાનમંત્રી મોદીએ અધિકારીઓને આપ્યા આ આદેશ
પીએમ મોદીએ અધિકારીઓને એવા જિલ્લાની ઓળખ કરવાનો નિર્દેશ આપ્યો કે જ્યાં હજુ સુધી વેક્સિનેશનમાં કોઈ પ્રગતિ થઈ નથી. તેમણે અધિકારીઓને કહ્યું કે તેઓ રાજ્ય સાથે વેક્સિનેશન સંબંધિત સમસ્યાઓ અંગે વાતચીત કરે અને વધારેમાં વધારે લોકોનું વેક્સિનેટેડ કરવામાં મદદ કરે.
ભારત માટે સાચવવા જેવો સમય તો હવે આવ્યો છે. 21 દિવસ પહેલા એટલે કે 2 ડિસેમ્બરે ભારતમાં ઓમિક્રોનનો પહેલો કેસ નોંધાયો હતો ત્યારથી આજે કુલ કેસનો આંકડો 300ને પાર પહોંચતા હવે ભારત માટે ખરો સમય આવ્યો છે.
17 રાજ્યોમાં ફેલાયો ઓમિક્રોન
હાલમાં 17 રાજ્યોમાં નવો વેરિયન્ટ ફેલાયો છે. તમિલનાડુમાં ગુરુવારે ૩૩ નવા કેસ નોંધાયા હતા. કર્ણાટકમાં 12 અને કેરળમાં 5 નવા કેસ મળી આવ્યા છે. આ સાથે દેશમાં આ વેરિએન્ટમાંથી ચેપના કુલ કેસોની સંખ્યા 307 સુધી પહોંચી ગઈ છે.
ઓમિક્રોન ગંભીર બનતા કેન્દ્રને રાજ્યોની બીજી ચેતવણી, લાગુ પાડો નાઈટ કર્ફ્યુ
ભારતમાં ઓમિક્રોન હવે ગંભીર સ્તરે પહોંચતા કેન્દ્ર સરકારે રાજ્યોની બીજી વાર મોટી ચેતવણી આપીને નાઈટ કર્ફ્યુ અને બીજા કડક પ્રતિબંધો લાગુ પાડવાની તાકીદ કરી છે.
કેન્દ્ર સરકારે રાજ્યોને આપેલી સલાહ
- તહેવારો પહેલા નાઈટ કર્ફ્યુ અને બીજા પ્રતિબંધો લાગુ પાડો
- ભીડે ભેગી ન થાય તેવું ધ્યાન રાખો
- કેસ પોઝિટીવીટી, ડબલિંગ રેટ, કોરોના ક્લસ્ટર પર નજર રાખો
ભારતમાં રાજ્ય વાઈઝ ઓમિક્રોન કેસ