Coronavirus / ‘181 અભયમ્’એ કોરોના વૉરિયર્સનો ઉત્સાહ વધારવા કર્યો આ નાનકડો પ્રયાસ, જાણીને લોકોએ કહ્યું વાહ

• ‘181 અભયમ્’ના કાઉન્સિલર બહેનોનો ઉત્સાહ આમ વધારવામાં આવ્યો
• ‘181 અભયમ્’ના અધિકારીઓએ કર્યો આ નાનકડો પ્રયાસ
• ફક્ત કાઉન્સિલર બહેનો જ નહીં તેમના પરિવારનો પણ આભાર

મહિલાઓની સુરક્ષા માટે ગુજરાત રાજ્યમાં મહિલા હેલ્પલાઈન ‘181 અભયમ્’ કાર્યકરત છે. જેની કાઉન્સિર બહેનો સતત 24 કલાક 7 દિવસ કોરોનાની વચ્ચે ફરજ બજાવી રહી છે. આ સ્થિતિ એવી છે કે કોઈનું પણ ડરને કારણે મોકલ ડાઉન થઈ જાય. ત્યારે ‘181 અભયમ્’ની વહીવટી તંત્ર, ઉપરી અધિકારીઓ તથા એચઆર ટીમ દ્વારા સમગ્ર ગુજરાતના 47 લોકેશન પર એક નાનકડો પ્રયાસ કરવામાં આવ્યો.

આ પ્રયાસમાં  ‘181 અભયમ્’ની વહીવટી તંત્ર, ઉપરી અધિકારીઓ તથા એચઆર ટીમે એક જ સમયે ફિલ્ડમાં રહેલી બહેનોની લોકેશન પર જઈ મુલાકાત લીધી હતી. આ તમામે તેમને એક થેંક્યુ નો લેટર આપ્યો હતો. તેમજ તેમના પરિવારને પણ થેંક્યુ લેટર આપ્યો હતો.  તેમજ તેમને પડતી મુશ્કેલીઓ અંગે પુછી તેમના નિરાકરણ માટે વાત કરી હતી.

આ અંગે વાત કરતા 181ના ફાલ્ગુનીબહેન જણાવે છે કે, ‘અમારી બહેનો જીવના જોખમે ફરજ બજાવી રહી છે. તેમનો પરિવાર પણ તેમને આ કામ કરવા દઈ રહ્યો છે . જેથી તેમનો ઉત્સાહ અને હિંમત બની રહે તે માટે અમે તેમને લેખિતમાં થેંક્યુ કહી તેમના કામને બિરદાવવા આમ કર્યુ છે. બહેનોના હાથે તેમના પરિવારને થેંક્યુ લેટર મોકલ્યો છે. જેથી આ તમામનો આભાર માનવાની સાથે તેમનો ઉત્સાહ પણ વધારી શકાય.’