સાવધાન! / અમદાવાદમાં થલતેજ-વસ્ત્રાપુરમાં 4 દિવસમાં 3 લૂંટના બનાવ, ઝાયડસના ડૉ.ના ઘરે બદૂંકની અણીએ તસ્કરોએ લૂંટ ચલાવી

• થલતેજમાં આવેલા બગલોમાં ધોળા દિવસે બંદૂકની અણીએ ચલાવી લૂંટ
• ઝાડયસ હોસ્પિટલના કિડની સ્પેશ્યલિસ્ટ ડો.પ્રકાશ દરજીના ઘરે થઈ લૂંટ
• થોડા દિવસ અગાઉ વસ્ત્રાપુર અને થલતેજમાં મધરાતે તમંચો બતાવી બે યુવકને લૂંટી લીધા હતા

અમદાવાદમાં પોલીસ પેટ્રોલિંગ કરીને સબ સલામતના દાવા કરી રહી છે, તો બીજીતરફ લૂંટારુ ટોળકી જાણે પોલીસને પડકાર ફેંકી રહી હોય તેમ ચોરી, લૂંટ, ધાડના બનાવો વધી રહ્યા છે. અમદાવાદના થલતેજમાં સોમવિલા બંગલોમાં ઝાડયસ હોસ્પિટલના કિડની સ્પેશ્યાલિસ્ટ ડો.પ્રકાશ દરજીના ઘરે લૂંટને અંજામ આપવામાં આવ્યો હતો. જોકે હાલ લૂંટના બનાવને લઇને પોલીસે તપાસ હાથધરી છે. સોમવિલા બંગલોમાં લૂંટ થતાં સ્થાનિક રહીશોમાં ફફડાટ મચી જવા પામ્યો છે. મહત્વનું છે કે, સોમવિલા બંગલા પાસે જ IPS અધિકારી પારધી અને નિવૃત IPS એસ.એમ.કટારા રહે કરે છે.

વસ્ત્રાપુરમાં મધરાતે તમંચો બતાવી બે કલાકમાં જ બે યુવકને લૂંટી લીધા હતા

અત્રે ઉલ્લેખનીય છે કે, વસ્ત્રાપુરમાં 3 દિવસ અગાઉ(25 સપ્ટેમ્બર) રાત્રિના સમયે બે કલાકના સમયગાળામાં થલતેજ ચાર રસ્તા તેમજ વસ્ત્રાપુર તળાવ પાસે તમંચો બતાવીને બે યુવકોને લૂંટી લીધા હતા, જેમાં મોબાઇલ તથા રોકડની લૂંટ ચલાવી હતી. મેમનગર, ગુરુકુળ રોડ  ઉપર  કમલ સોસાયટી પાસે ભગવતી એપાર્ટમેન્ટમાં રહેતા દિપન પટેલ બાઇક લઇને નાસ્તો કરીને થલતેજ ચાર રસ્તાથી પસાર થઇ રહ્યા હતા આ સમયે ટુ વ્હીલર ઉપર આવેલા બે શખ્સોએ પીછો કરીને ટાઇટેનીયમ સ્કેવર પાસે રોકીને તમંચો બતાવ્યો હતો અને તારી પાસેનો મોબાઇલ તથા રોકડ જે કંઇ હોય તે આપી દે કહીને ધમકાવ્યો હતો. જેથી ડરીને યુવકે મોબાઇલ તથા રોકડા રૂપિયા ૨૦૦૦ કાઢીને આપી દીધા હતા લૂંટારુઓ બેગ પડાવી લીધા બાદ તેમાંથી પાવર બેન્ક કાઢી લીધા બાદ પલયાન થઇ ગયા હતા.

શહેરમાં કેમ વધી રહ્યા છે લૂંટના બનાવ?

શહેરમાં લૂંટના બનાવ વધતા કેટલાક સવાલ ઉપજે છે કે શું શહેરમાં પોલીસનું પેટ્રોલિંગ ઘટી ગયું? શહેરના પોશ વિસ્તારને કેમ બની રહ્યા છે ટાર્ગેટ? લૂંટારૂઓની કોઇ ખાસ ગેંગ સક્રિય થઇ છે? સમોવિલા બંગલોની સિક્યોરિટી પર પણ સવાલ.