કોરોના સંકટ / ઝાયડસ કેડિલાએ ICMR ને વિના મૂલ્યે મોકલી 30,000 કોવિડ કવચ એલિસા ટેસ્ટ કિટ

ઉલ્લેખનીય છે કે પૂનાની ઇન્સ્ટિટયૂ ઓફ વાયરોલોજી દ્વારા કોરોના વાયરસના ટેસ્ટ કરવા માટે સ્વદેશી ટેસ્ટ કિટ એલિસા વિકસાવામાં આવી રહી છે જેનું ઉત્પાદન રાજ્યની ફાર્મા કંપની ઝાયડસ કેડિલાને સોંપવામાં આવ્યું છે. 

કંપની દ્વારા જણવામાં આવ્યું છે કે કેડિલા હેલ્થકેરના એકમ ઝાયડસ ડાયગ્નોસ્ટિકસ દ્વારા 30,000 કોવિડ કવચ એલિસા કીટ તૈયાર કરાયા છે જે ICMRને વિના મૂલ્યે પુરા પાડવામાં આવ્યાં છે. 

એલિસા કીટ શું છે 

એલિસા કીટ એક પ્રકારની વાયરસ કે બેક્ટેરીયલ ઇન્ફેકશન સમયે શરીરમાં જે એન્ટીબોડી પેદા થાય છે તેનો એક પ્રકાર છે. આ સૌથી સામાન્ય એન્ટબોડી છે. તેની માહિતી સીરમ, પ્લાઝમાં કે અન્ય દ્રવ્યોના સેમ્પલ દ્વારા મેળવી શકાય છે. આ ટેસ્ટ કીટની મદદથી આ એન્ટીબોડીની ઉપસ્થિતિ નક્કી કરીને કોરોના વાયરસ અંગે માહિતી મેળવી શકાશે. આ કિટમાં અઢી કલાકમાં અંદાજે 90 સેમ્પલનું ટેસ્ટિંગ કરવામાં આવી શકે છે.