કેડિલા હેલ્થકેર લિમિટેડના મેનેજિંગ ડાયરેક્ટર શરવિલ પટેલે એક મીડિયા ઇન્ટરવ્યૂમાં જણાવ્યું કે,અમારી પાસે 5 થી 12 વર્ષની ઉંમરના બાળકો પર વેક્સિનના ટેસ્ટિંગનો ઘણો ડેટા છે
હવે 5થી 12 વર્ષના બાળકોની આવી રસી
ઝાયડસ કેડિલાએ બનાવી કોરોનાની વેક્સિન
જુલાઇના અંત સુધી મળી શકે ટ્રાયલની મંજૂરી
અમદાવાદની ઝાયડસ કેડિલા ગ્રુપ કોરોના વાયરસની પોતાની વેક્સિન ઝાયકોવ-ડીને 5થી 12 વર્ષના બાળકો માટે ટેસ્ટ કરવાની યોજના બનાવી રહી છે. ઝોયકોવ-ડી પ્લાઝમિડ ડીએનએ વેક્સિન છે, જે ન્યૂક્લિએક એસિડ વેક્સિન અંતર્ગત આવે છે. તાજેતરમાં જ કેડિલાએ પુખ્ત વયના લોકો માટે 800 ક્લિનિકલ ટ્રાયલ હાથ ધર્યા છે.
જ્યારે વેક્સિનનું પરિક્ષણ 12થી 18 વર્ષના બાળકો માટે પણ કર્યું છે. કંપનીની તૈયારી પોતાની વેક્સિન માટે જૂન અથવા જુલાઇના અંત સુધી ઇમરજન્સી ઉપયોગની મંજૂરી મેળવવાની છે. કેડિલા હેલ્થકેર લિમિટેડના મેનેજિંગ ડાયરેક્ટર શરવિલ પટેલે એક મીડિયા ઇન્ટરવ્યૂમાં જણાવ્યું હતું કે,”અમારી પાસે 5 થી 12 વર્ષની ઉંમરના બાળકો પર વેક્સિનના ટેસ્ટિંગનો ઘણો ડેટા છે. જો તમામ વસ્તુ યોગ્ય રીતે ચાલે છે તો 12 થી 18 વર્ષના બાળકો માટે વેક્સિનને મંજૂરી મળી જશે.
અમારી વેક્સિનની કોઈ આડઅસર થશે નહીંઃ શરવિલ પટેલ
શરવિલ પટેલે કહ્યું, વેક્સિનનો વિકાસ હંમેશા તબક્કાવાર થતો હોય છે. પહેલા વરિષ્ઠો માટે પછી બાળકો અને પછી 5 વર્ષથી નાના બાળકોના તબક્કે. અમારી આ વેક્સિન બાળકો માટે વધુ પ્રભાવશાળી હશે. આ વેક્સિનમાં કોઈ સાઈડઈફેક્ટ જોવા મળશે નહીં. સામાન્ય રીતે આડઅસર અન્ય રસીમાં જોવા મળતી હોય છે. અને આ વેક્સિનનો બીજો ફાયદો એ છે કે, આમાં ઈન્જેક્શનની જરૂર નથી.