કોરોના વાયરસનો કહેર દેશમાં યથાવત જોવા મળી રહ્યો છે. ભારતમાં દરરોજ અંદાજે 20 હજાર કોરોનાના નવા દર્દીઓનો આંકડો સામે આવી રહ્યો છે. કોરોના વાયરસની વેક્સીનની શોધ દુનિયાભરના દેશો દ્વારા કરવામાં આવી રહી છે. ત્યારે આ વચ્ચેચ એક મહત્વના સમાચાર આવી રહ્યાં છે કે ભારતમાં કોરોનાની એક વધુ વેક્સીનને હ્યુમન ટ્રાયલ માટે સરકાર દ્વારા મંજૂરી આપવામાં આવી છે. દેશમાં પાંચ દિવસમાં આ બીજી વેક્સીન છે જેને સરકારે ક્લીનિકલ મંજૂરી આપી છે. સરકારે ઝાયડસ કેડીલાને કોરોનાની રસીને હ્યુમન ટ્રાયલ માટે મંજૂરી આપી છે.
ઝાયડસ કેડિલા તૈયાર કરી રહી છે આ વેક્સીન
અમદાવાદની કંપની ઝાયડસ કેડિલા હેલ્થ કેર લિમિટેડ (Zydus Cadila Healthcare Ltd.) હાલમાં વેક્સીન તૈયાર કરી રહી છે. ડ્રગ કંટ્રોલર જનરલ ઓફ ઇંડિયા દ્વારા વેક્સીનના ફેઝ-1 અને ફેઝ-2ના હ્યૂમન ટ્રાયલની મંજૂરી આપી દીધી છે.
પ્રાપ્ત મળતી વિગત અનુસાર આ ક્લીનિકલ ટ્રાયલને પુરુ કરવામાં અંદાજે 3 મહીનાનો સમય લાગી શકે છે. કંપનીએ દાવો કર્યો છે કે આ વેક્સીનની પશુઓ પર કરવામાં આવેલી ટ્રાયલ સફળ રહી છે. જેના આધાર પર કંપનીને આગળના ફેઝમાં કામ કરવાની મંજૂરી મળી છે.
3 મહીના સુધી ટ્રાયલ
સમાચાર એજન્સી પીટીઆઇ દ્વારા મળતી માહિતી મુજબ કંપની જલ્દી જ હ્યુમન પર વેક્સીનની ટ્રાયલ માટે ઇનરોલમેંટ પ્રક્રિયા શરૂ કરશે. એવો દાવો કરવામાં આવી રહ્યો છે કે પહેલા અને બીજા તબક્કાના ટ્રાયલને પુરા કરવા માટે અંદાજે ત્રણ મહિના જેટલો સમય લાગી શકે છે. કોરોનાને લઇને દેશમાં કથળતી પરિસ્થિતિને ધ્યાનમાં લઇને સરકારે ઝડપથી ક્લીનિકલ ટ્રાયલ માટે મંજૂરી આપી દીધી.
ભારત બાયોટેકને મળી છે મંજૂરી
આ અગાઉ ભારત બાયોટેક દ્વારા વિકસિત કરવામાં આવી રહેલી ભારતની પહેલી Covid-19 વેક્સીન - Covaxin tm માનવ ક્લીનિકલ પરીક્ષણ પહેલા અને બીજા તબક્કા માટે DGCI ની મંજૂરી મળી હતી. આ પરીક્ષણ જુલાઇ 2020માં શરુ કરવામાં આવશે.