મોટી રાહત / Zydus Cadilaએ રેમડેસિવિરની કિંમતમાં કર્યો મોટો ઘટાડો, જાણો શું રહેશે નવી કિંમત

• Zydus Cadilaએ કરી મોટી જાહેરાત
• રેમડેસિવિરની કિંમતમાં કર્યો મોટો ઘટાડો
• 2800 રૂપિયાથી ઘટાડીને કિંમત 899 રૂપિયા કરી

 
દવા કંપની ઝાયડસ કેડિલાએ રેમડેસિવિર દવા માટે પોતાના જેનેરિક વર્ઝનની કિંમતમાં ઘટાડો કર્યાની જાહેરાત કરી છે. કંપનીએ રેમડિસિવિરના જેનેરિક વર્ઝનને રેમડૈક નામથી વેચે છે. તેની નવી કિંમત 2800 રૂપિયાથી ઘટાડીને 899 રૂપિયા પ્રતિ 100 એમજી રાખવાનું નક્કી કરાયું છે. 
 

ગયા વર્ષે લોન્ચિંગ સમયે તેની કિંમત 2800 રૂપિયા હતી
ઉલ્લેખનીય છે કે કંપનીએ ઓગસ્ટ 2019માં રેમડૈકને દેશમાં લોન્ચ કરી હતી. આ સમયે ઈન્જેક્શનના રૂપમાં મળી રહેલી 100 એમજીની શીશીની કિંમત 2800 રૂપિયા હતી. ઝાયડસ કેડિલાએ કહ્યું કે રેમડેસિવીર કોરોનાની સારવારમાં એક મહત્વનો દાવો છે. આ પગલાથી એવા મુશ્કેલ સમયમાં દર્દીઓને મદદ મળશે. 

 
શું કહ્યું કંપનીના મેનેજિંગ ડાયરેક્ટરે

Zydus Cadila હેલ્થકેરના મેનેજિંગ ડાયરેક્ટરે કહ્યું કે આ મહામારીના સમયમાં અમારો પ્રયાસ એવી સારવાર ઉપલબ્ધ કરાવવા માટે રહેશે જે સસ્તી હોય. કોરોનાના ઉપચારમાં રેમડૈક એક મહત્વની દવા છે અને અમને આશા છે કે આ ભાવ ઘટાડાથી સમાજના નબળા લોકોને પણ આ દવા સરળતાથી મળી રહે.

કંપનીની રસીને ત્રીજા તબક્કાની મંજૂરી મળી છે

ઉલ્લેખનીય છે કે થોડા મહિના પહેલા Zydus Cadilaએ કોરોના વેક્સીન જઈકોવ-ડીના ત્રીજા તબક્કાના ટ્રાયલની મંજૂરી મેળવી લીધી છે. કંપનીએ કહ્યું હતું કે કોરોના વેક્સીનના ફેઝ -3નું ક્લિનિકલ પરીક્ષણ શરૂ કરવા માટે DCGIની મંજૂરી મળી ચૂકી છે. 

મોર્ડના કંપનીએ પોતાની વેક્સીનના દરેક ડોઝ માટેની કિંમત નક્કી કરી

આ પહેલાં નવેમ્બર 2020માં કોરોના વાયરસની કોરોના વેક્સીનના 94.5 ટકા પ્રભાવી હોવાનો દાવો કરનારી મોર્ડના કંપનીએ પોતાની વેક્સીનના દરેક ડોઝ માટેની કિંમત નક્કી કરી છે. હવે સરકારે દરેક વેક્સીન માટે કંપનીને રૂપિયા ચૂકવવાના રહેશે. આ રકમ 25થી 37 ડોલરની વચ્ચે એટલે કે 2744 રૂપિયાની આસપાસની હોઈ શકે છે. સ્વાસ્થ્ય મંત્રાલયના સચિવ રાજેશ ભૂષણે કહ્યું કે, ફાઈઝર અને બાયોએનટેકની વેક્સીન એક ડોઝની કિંમત 1431 રૂપિયા છે. મોડર્નાની વેક્સીનની એક ડોઝની સંભવિત કિંમત 2348થી 2715 રૂપિયા સુધી રહેશે. ચીનની વેક્સીનના એક ડોઝ માટે 5600 રૂપિયાથી પણ વધારે કિંમત ચુકવવી પડશે. જ્યારે ભારતમાં કોવિશીલ્ડ વેક્સીનની કિંમત 200 રૂપિયા પ્રતિ ડોઝ રાખવામાં આવી છે. તમને જણાવી દઇએ કે, આ તમામ કિંમત સરકાર માટે છે. સરકાર આ કિંમત પર કંપનીઓ પાસેથી ખરીદી રહી છે.