કોરોના વેક્સીનને લઇને કેન્દ્ર સરકારે અગાઉ માહિતી આપી હતી કે, ભારતમાં જે વેક્સીન કેન્ડિડેટ્સ છે, તેમાંથી ત્રણ એવી છે જે ફેઝ 1, 2 અને 3માં પહોંચી ગઇ છે. ત્યારે હવે ગુજરાતની કંપની ઝાયડસ કેડિલાની ZyCov-D વેક્સિન માર્ચમાં લોન્ચ થઇ શકે છે.
માર્ચમાં લોન્ચ કરી શકે છે કોરોનાની રસી
ZyCov-D વેક્સિન આવી શકે છે માર્ચમાં
ડિસેમ્બરમાં વેક્સિનના ત્રીજા તબક્કાનું ટ્રાયલ
સમગ્ર વિશ્વ કોરોના સામે લડી રહ્યું છે અને તેની રસી બનાવવાના તનતોડ પ્રયાસ કરી રહ્યું છે. તેવામાં હવે ભારત અને ગુજરાત માટે વેક્સીનને લઇને ખુશખબર સામે આવ્યા છે. અમદાવાદની કંપની માર્ચમાં કોરોના વેક્સીન લોન્ચ કરી શકે છે. માર્ચ મહિનામાં ઝાયડસ કેડિલાની ZyCov-D વેક્સિન આવી શકે છે.
ડિસેમ્બરમાં ત્રીજા તબક્કાનું થશે ટ્રાયલ
ડિસેમ્બરમાં ZyCov-D વેક્સિનના ત્રીજા તબક્કાનું ટ્રાયલ થશે. જેમાં 30 હજાર લોકો પર રસીનું ત્રીજા તબક્કાનું ટ્રાયલ થશે. મહત્વનું છે કે, હાલ કેડિલા રસીનું બીજા તબક્કાનું ટ્રાયલ ચાલી રહ્યું છે. હાલ 1048 વોલ્યુન્ટર્સ પર પરીક્ષણ ચાલી રહ્યું છે. ટ્રાયલનું પરિણામ સકારાત્મક રહેશે તો માર્ચમાં વેક્સિન આવશે. જેનો જાન્યુઆરી 2021માં કંપનીના પ્રિ-ક્લિનિકલ ડેટા તૈયાર થશે.
મોટા પ્રમાણમાં રસીનું ઉત્પાદન શરૂ કરી દેવાયું
ભારતમાં કોરોનાની વેક્સીન બનાવી રહેલી ઝાયડસ કેડિલા હેલ્થ કેર લિમિટેડે મોટા પ્રમાણમાં રસીનું ઉત્પાદન શરૂ કરી દીધું છે. સંભવિત ભાગીદારો સાથે કંપનીની વાતચીત ચાલી રહી છે અને કેડિલા હેલ્થકેરે પોતાનું ખુદનું પ્રોડક્શન કેપિસિટી એટલે કે ઉત્પાદન ક્ષમતા વધારવાના પ્રયત્નોમાં લાગી છે. કંપનીની તૈયારી 17 કરોડ ડોઝ ઉત્પાદનની છે. જેમાંથી 10 કરોડ ખુદની કંપની તૈયાર કરશે, જ્યારે સાત કરોડ ડોઝ ભાગીદાર કંપનીથી તૈયાર કરાવશે. કંપનીના એમડી શર્વિલ પટેલે આ માહિતી આપી છે.
વેક્સિનની સાત કરોડ ડોઝ તૈયાર કરાવવા માટે કંપનીને પાર્ટનર જોઇએઃ શર્વિલ પટેલ
ઈટીના એક રિપોર્ટ અનુસાર, અમદાવાદની આ કંપની કોરોના રસીના મોટા પ્રમાણમાં ઉત્પાદન માટે કૉન્ટેક્ટ મેન્યુફેક્ચર્સ શોધવાની તૈયારી કરી રહ્યું છે. કેડિલા હેલ્થ કેરના મેનેજિંગ ડાયરેક્ટર શર્વિલ પટેલે કહ્યું કે, વેક્સિનની સાત કરોડ ડોઝ તૈયાર કરાવવા માટે કંપનીને પાર્ટનર જોઇએ. પ્લાઝમિડ ડીએનએ વેક્સીન બનાવવા માટે અંદાજિત 10 કરોડ ડોઝ કંપની પોતાના ઉત્પાદન રૂપરેખામાં જ તૈયાર કરી શકે છે.