ખિતાબ / સાઉથ આફ્રિકાની ઝોઝિબિની ટૂન્જીએ ‘મિસ યુનિવર્સ 2019’નો તાજ જીત્યો

• ભારત તરફથી વર્તિકાસિંહ પણ સ્પર્ધામાં હતી
• ઝોઝિબિની ટૂન્જી ખૂબ જ ભાવુક બની ગઇ હતી

વિનર્સ રેસમાં તે ઘણી પાછળ રહી ગઇ વર્તિકાસિંહ 

ભારત તરફથી વર્તિકાસિંહ પણ સ્પર્ધામાં હતી, પરંતુ તે ટોપ-10માં સ્થાન મેળવવામાં નિષ્ફળ રહી હતી. આ સ્પર્ધામાં વર્તિકાસિંહ દેશી અવતારમાં રેમ્પ પર ઊતરી હતી અને તેના પોશાકે લોકોનાં દિલ જીતી લીધાં હતાં, પરંતુ વિનર્સ રેસમાં તે ઘણી પાછળ રહી ગઇ હતી. વર્તિકાએ મિસ યુનિવર્સ સ્પર્ધાના એક રાઉન્ડમાં લાલ કલરના લહેંગામાં સજ્જ થઇને પર્ફોર્મ કર્યું હતું.

ઝોઝિબિની ટૂન્જી રીતસરની રડી પડી 

સાઉથ આફ્રિકાની સુંદરી ઝોઝિબિની ટૂન્જી જ્યારે મિસ યુનિવર્સ 2019નો તાજ ધારણ કર્યો ત્યારે તે ખૂબ જ ભાવુક બની ગઇ હતી. ગોલ્ડન કલરના ખૂબસુરત ડ્રેસમાં સજ્જ ઝોઝિબિની ટૂન્જીનું નામ જ્યારે મિસ યુનિવર્સ તરીકે જાહેર થયું ત્યારે તે અત્યંત ભાવુક બનીને રીતસરની રડી પડી હતી.