કોરોનામાં ઘણા લોકોએ પોતાની નોકરી ગુમાવી છે અને કેટલાક લોકોએ પોતાનો વ્યવસાય છોડીને બીજા વ્યવસાયમાં ઝંપલાવ્યુ છે. તેવામાં એક એવી ઘટના બની હતી જેણે સકારાત્મકતા ફેલાવી છે.
ઝોમેટો ડિલીવરી બોયની મદદ
હૈદરાબાદમાં બની આ ઘટના
સાયકલ પર કરતો હતો ડિલીવરી
બોલીવૂડ એક્ટર સોનુ સુદ છેલ્લા દોઢ વર્ષથી લોકોની મદદ કરી રહ્યો છે પરંતુ આ વખતે હૈદરાબાદના એક સામાન્ય માણસે ઝોમેટો ડિલીવરી બોયની મદદ કરી છે.
શું છે ઘટના
હૈદરાબાદના કોટી ક્ષેત્રમાં રહેતા રોબિન મુકેશ IT ક્ષેત્રમાં કામ કરે છે પરંતુ તે હાલમાં વર્ક ફ્રોમ હોમ કરી રહ્યાં છે. જેના કારણે સવારે 10 વાગે ઝોમેટો પરથી ચા મંગાવી હતી અને તે સમયે ખુબ વરસાદ પડી રહ્યો હતો.
રોબિને કહ્યું કે, મારા ઓફીસનો સમય શરૂ થઇ ગયો હતો અને મે ઝોમેટોમાંથી ચા મંગાવી હતી. મેં જોયુ કે મોહમ્મદ અકીલ નામનો આ શખ્સ મેહદીપટનમમાં છે અને 15 મીનીટની અંદર તે ડિલીવરી બોયનો ફોન આવી ગયો હતો.
તેમણે આગળ કહ્યું કે, તે શખ્સે મને નીચે બોલાવ્યો અને મે જોયુ કે વરસાદના કારણે તે પલળી ગયો હતો અને તે આટલા દૂરથી ફક્ત 15 મીનીટમાં સાઇકલ પર પહોંચી ગયો હતો.
જ્યારે મુકેશે તેને પૂછ્યુ કે આટલુ જલ્દી તે સાયકલ પર કેવી રીતે પહોંચી ગયો ત્યારે તેણે કહ્યું કે છેલ્લા 1 વર્ષથી તે સાયકલ પર જ ઓર્ડર ડિલીવર કરી રહ્યો છે. તો મુકેશ તેનાથી પ્રભાવિત થઇ ગયો હતો અને મદદ કરવાનુ વિચારી લીધુ હતુ.
રોબિને પૂછ્યુ તો ખબર પડી કે અકીલ એન્જીનીયરિંગ ભણી રહ્યો હતો બાદમાં તેના પર સ્ટોરી લખી નાંખી હતી જે ખુબ વાયરલ થઇ હતી અને તેણે કહ્યું કે, અકીલને બાઇક મળી જાય તો તેની ખુબ મદદ થશે.
અકીલના પિતા ચપ્પલ બનાવવાનુ કામ કરે છે અને મહામારીના કારણે તેમનુ કામ ઠપ થઇ ગયુ હતુ જે બાદ 21 વર્ષના અકીલે ઘરની જવાબદારી ઉપાડી લીધી હતી. રોજના 20 ઓર્ડર પહોંચાડે છે અને 80 કિમીનું ટ્રાવેલ કરે છે.
અકીલ માટે લોકોએ 73000 રૂપિયા ડોનેટ કર્યા હતા અને અમેરિકામાં રહેતી એક મહિલાએ તો એકલીએ 30000 રૂપિયા ડોનેટ કર્યા હતા. જે બાદ તેને એક બાઇક લઇ આપવામાં આવ્યું હતુ.