વાસ્તવમાં મધ્ય પ્રદેશના જબલપુરના નિવાસી પંડિત અમિત શુક્લએ પોતાનો ઓર્ડર કેન્સલ કરી દીધો કેમકે ઓર્ડર ડિલીવરી કરનારો એક મુસ્લિમ હતો.
અમિત શુક્લએ પોતાના ટ્વિટર એકાઉન્ટ પર લખ્યુ કે, ''Zomatoનો ઓર્ડર કેન્સલ કર્યો, જેમણે ગેર-હિંદૂ ડિલીવરી બૉયને મોકલ્યો હતો.'' તેમણે મને કહ્યુ કે, ''તેઓ ડિલીવરી બૉયને નહી બદલી શકે અને ના તો રિફન્ડ આપી શકે.''
જોકે આ મામલા વિશે મુસ્લિમ ડિલીવરી બૉયે કહ્યુ કે, કસ્ટમરને તેમના ઘરની લોકેશન જાણવા માટે ફોન કર્યો હતો, પરંતુ હવે કૉલ ઉપાડ્યો તો વ્યકિતએ જણાવ્યુ કે, ''તેમણે ઓર્ડર કેન્સલ કરી દીધો છે.''
Zomato ડિલીવરી બૉયે આ મામલામાં દુખી થતા કહ્યુ કે, ''હું ચોંકી ગયો છું. શું બોલીશું સર, હવે લોકો જે બોલશે તે સાચ્ચુ છે. શું કરી શકીએ. ગરીબ લોકો છીએ સહન કરવુ પડશે.''
તો બીજી તરફ અમિત શુક્લેએ પોતાના બર્તાવને લઇને કોઇ અફસોસ નથી. અમિતે કહ્યુ કે, ''શું ભારતના વિચારમાં મારી અભિવ્યકિતની આઝાદી અને ધર્મ શામેલ નથી? શ્રાવણનો પવિત્ર મહિનો ચાલી રહ્યો છે અને આ મારી પર્સનલ જિંદગીનો મામલો છે. ''
જોકે Zomatoએ પોતાના ઑફિશ્યલ એકાઉન્ટ અને તેના ફાઉન્ડરે ટ્વીટ કરીને જવાબ આપતા કહ્યુ કે, ''ખાવાનો કોઇ ધર્મ નથી હોતો, ખાવાનું પોતે એક ધર્મ છે.'' આ સાથે Zomatoના ફાઉન્ડરે લખ્યુ કે, ''ભારતના વિચારો અને અમારા ગ્રાહકો-પાર્ટનરોની વિવિધતા પર ગર્વ કરીએ છીએ. અમારા આ મૂલ્યોની કારણે જો બિઝનેસને કોઇપણ પ્રકારનું નુકસાન થાય છે તો અમને દુખ નહી થાય.''
We are proud of the idea of India - and the diversity of our esteemed customers and partners. We aren’t sorry to lose any business that comes in the way of our values. 🇮🇳 https://t.co/cgSIW2ow9B
Zomato અને તેના ફાઉન્ડરે જે રીતે આ મામલાનો જવાબ આપ્યો છે, તેનાથી સોશ્યલ મીડિયા પર તેમના વખાણ થઇ રહ્યા છે. આ સાથે જ પંડિત અમિત શુક્લ જેમણે આ મામલો ઉઠાવ્યો હતો અને તેના વિશે ટ્વીટ કરી હતી તેને લઇને તેઓ ટ્રોલ થઇ રહ્યા છે.
આ સિવાય જમ્મૂ-કશ્મીરના પૂર્વ મુખ્યમંત્રી ઉમર અબ્દુલ્લાએ કહ્યુ કે, ''તમને આદર, મને તમારી એપ પસંદ છે, મને આ કંપનીના વખાણ કરવા માટે કારણ આપ્યુ તે માટે આભાર.'' આ સિવાય કોંગ્રેસના નેતા પી.ચિંદરબરમે લખ્યુ કે, ''અત્યાર સુધી મેં ક્યારેય ખાવાનું ઓર્ડર નથી કર્યુ. પરંતુ હવે Zomatoમાંથી ખાવાનું ઓર્ડર કરવાનું વિચારું છું.''
Respect. I love your app. Thank you for giving me a reason to admire the company behind it. https://t.co/nohfkYsrJQ