ઝોમેટોના ડિલીવરી બોયે એક મહિલાને નાક પર મુક્કો માર્યો હતો તે ઘટની ખુબ ચર્ચામાં હતી. તે ડિલીવરી બોયને પોલીસે ઝડપી પાડ્યો છે.
ઝોમેટો ડિલીવરી બોયે મહિલા પર કર્યો હુમલો
યુવતિએ કરી પોલીસ ફરિયાદ
પોલીસે ડિલીવરી બોયને ઝડપી પાડ્યો
હિતેશા ચંદ્રાણીએ સોશ્યલ મિડીયા પર એક વીડિયો શૅર કર્યો હતો. તેમાં તેણે કહ્યું કે તેણે ઓર્ડલ લેવાનો ઇન્કાર કર્યો તો ઝોમેટો ડીલીવરી બોયે તેના પર હુમલો કરી દીધો હતો. આ ઘટના સામે આવ્યા બાદ ઝોમેટોએ પણ હિતેશાની માફી માંગી હતી.
વીડિયો શૅર કરી કહી કહાણી
હિતેશાએ આ વીડિયોમાં સમગ્ર ઘટનાને લઇને કહ્યું કે કેવી રીતે ઝોમેટો ડિલીવરી બોયે તેના પર હુમલો કર્યો હતો. હિતેશાએ આ વીડિયો ઇન્સ્ટાગ્રામ પર શૅર કર્યો અને 2 લાખથી વધારે લોકોએ થોડા જ સમયમાં જોઇ લીધો હતો. હિતેશાના કહ્યા અનુસાર આ ઘટના એક ફૂડ ઓર્ડરથી સ્ટાર્ટ થઇ હતી. તેનો ઓર્ડર મોડો પહોંચતા તેણે કહ્યું કે ઝોમેટો આ ઓર્ડરને કેન્સલ કરી દે અથવા કોમ્પ્લિમેન્ટ્રી આપે.
હિતેશાએ જણાવ્યું કે તેણે 9 માર્ચ સાંજે 3.30 વાગે ઓર્ડર પ્લેસ કર્યો હતો. આ ઓર્ડર તેને 4.30 વાગે મળ્યો હતો. ઓર્ડર સમય પર ન મળતા તેણે કસ્ટમર સપોર્ટમાં ફોન કરીને કહ્યું કે તેને પૈસા આપે અથવા ઓર્ડર કેન્સલ કરી દે.
જ્યારે હિતેશાએ ડિલીવરી બોય સાથે વાત કરી તો તે હિતેશા પર રાડો પાડવા લાગ્યો હતો અને ઓર્ડર પરત લઇ જવા માટે ઇન્કાર કરી દીધો હતો. હિતેશાએ તેને રાહ જોવા કહ્યું તો તે અગ્રેસીવ થઇ ગયો અને રાડો પાડવા લાગ્યો હતો.
જબરજસ્તી ઘરમાં ઘૂસ્યો
હિતેશાના કહ્યાં અનુસાર તે ડરી ગઇ અને દરવાજો બંધ કરવાનો પ્રયત્ન કર્યો. એટલામાં ડિલીવરી બોયે જબરજસ્તી ઘરમાં ઘૂસીને તેના નાક પર એક મુક્કો માર્યો. જે બાદ તે ઓર્ડર લઇને ભાગી ગયો હતો. વીડિયો બનાવીને તેણે આ ઘટના કહી હતી.