હદ વટાવી / ફૂડ ડિલિવરી બોયની શરમજનક કરતૂત, ઘરમાં કોઈ નથી જાણીને યુવતી સાથે કરી ગંદી હરકત, પર્સનલ મેસેજ પણ કર્યા

• ઝોમેટો બોયે બળજબરીપૂર્વક કરી યુવતીને કિસ 
• 40 વર્ષનો ઝોમેટો બોય અને 19 વર્ષની યુવતી 
• યુવતીએ કરી પોલીસ સ્ટેશનમાં ફરિયાદ 

ઝોમેટો બોયે બળજબરીપૂર્વક કરી યુવતીને કિસ 

ઝોમેટો કંપની પોતાના ડિલિવરી બોયને લઈને ફરી એકવાર ચર્ચામાં આવી ગઈ છે. મહારાષ્ટ્રના પૂનાના યેવલેવાડી વિસ્તારમાં એક 40 વર્ષના ઝોમેટો બોયે 19 વર્ષની છોકરીને બળજબરીપૂર્વક કિસ કરવાનો મામલો સામે આવ્યો છે. આ ઘટના બાદ યુવતીએ પોલીસને ફરિયાદ પણ કરી છે, જેના પર પોલીસે આરોપી ડિલિવરી બોય રઇસ શેખને અરેસ્ટ પણ કર્યો છે. આ મામલો યેવલેવાડી વિસ્તારનાં નામિત પોશ સોસાયટીનો છે. ઘટના શનિવાર રાતની જણાવવામાં આવી રહી છે. 

યુવતીએ પોલીસ ફરિયાદમાં જણાવ્યું કે તે એન્જિનિયરિંગની છાત્રા છે. 17 સપ્ટેમ્બરની રાત્રે લગભગ 9:30 વાગ્યે તેણે ઝોમેટોથી ફૂડ ઓર્ડર કર્યું હતું, જ્યાર બાદ ડિલિવરી બોય ખાવાનું લઈને પહોંચ્યો હતો. 

યુવતીના પાછળ ફરતા જ ગાલ પર કરી કિસ 
ડિલિવરી બોય જેવો ફૂડ લઈને અપાર્ટમેન્ટ પહોંચ્યો, તો તેણે પહેલા યુવતીને પાર્સલ આપ્યું અને પછી પાણી માંગ્યું. યુવતી જેવી પાણી લઈને આવી, તે તેના ઘરના સદસ્યો વિશે પૂછવા લાગ્યો. જ્યારે યુવતીએ જણાવ્યું કે તે ફ્લેટમાં પોતાની બે મિત્ર સાથે રહે છે અને તે અત્યારે પોતાના ઘરે ગયેલા છે. આ  વાત સાંભળ્યા બાદ જ ડિલિવરી બોયે યુવતી પાસે વધારે એક ગ્લાસ પાણી માંગ્યું. 

ફોન પર મેસેજ કર્યો 
યુવતી જેવી પાણી લેવા માટે પાછળ ફરી ત્યારે ઝોમેટો બોયે તેને પકડી લીધી અને ગાલ પર  બે વાર કિસ કરી. કિસ કર્યા બાદ ઝોમેટો બોય ત્યાંથી ચાલ્યો ગયો. જતાં સમયે તેણે એમ પણ કહ્યું કે તે તેના અંકલ જેવો છે. જો તેને કોઈપણ મદદની જરૂર પડે, તો તેને કહી શકે છે. આટલું જ નહીં ડિલિવરી બોયે યુવતીને ફોનમાં મેસેજ પણ કર્યો, જ્યાર બાદ યુવતીએ પોલીસ સ્ટેશનમાં મામલો દાખલ કરાવ્યો.