દેશમાં કોરોના વાયરસના વધતા જતા કેસ વચ્ચે પોતાના બિઝનેસને બંધ રાખવા માટે ફાસ્ટ ફૂડ ચેઇન કંપની ડોમિનોઝ પિઝા અને મેકડોનાલ્ડની પેટર્ન પર હવે ઝોમેટો અને સ્વિગીએ પણ ઝીરો કોન્ટેક્ટ એટલે કે કોન્ટેક્ટલેસ ફૂડ ડિલિવરી સેવા શરૂ કરી છે.
ડોમિનોઝે દેશભરમાં પોતાનાં 1325 રેસ્ટોરન્ટમાં ઝીરો કોન્ટેક્ટ ડિલિવરીની કરી શરૂઆત
ઝોમેટો અને સ્વિગીએ કોન્ટેક્ટલેસ ફૂડ ડિલિવરી સેવા શરૂ કરી
ડોમિનોઝે દેશભરમાં પોતાનાં 1325 રેસ્ટોરન્ટમાં ઝીરો કોન્ટેક્ટ ડિલિવરીની શરૂઆત કરી છે. ઝીરો કોન્ટેક્ટ ડિલિવરી સર્વિસીસનો ફાયદો ઉઠાવવા ગ્રાહક પાસે ડોમિનોઝ એપ્લિકેશનનું લેટેસ્ટ વર્ઝન હોવું જરૂરી છે અને ઓર્ડર પ્લેસ કરતી વખતે ઝીરો કોન્ટેક્ટ ડિલિવરીનો ઓપ્શન સિલેક્ટ કરવાનો રહેશે.
ઓર્ડર લઇ સેફ ડિલિવરી એક્સ્પર્ટ જ્યારે ગ્રાહકના ઘરે પહોંચશે તો તેઓ એક કેરી બેગમાં ઓર્ડરને ગ્રાહકના દરવાજા સામે રાખશે અને થોડા ફૂટ પાછળ ચાલ્યા જશે. આ રીતે ડિલિવરી કરનાર ત્યાં સુધી ઊભો રહેશે જ્યાં સુધી ગ્રાહક દ્વારા ઓર્ડર રિસીવ કરી લેવામાં નહીં આવે.
આમ, ડિલિવરી કરનાર વ્યક્તિ ગ્રાહકથી સલામત અંતરે દૂર ઊભી રહેશે, જેથી તેઓ એકબીજાના કોન્ટેક્ટમાં આવે નહીં. આ નવી સેવા તમામ પ્રી-પેઇડ ઓર્ડર પર ઉપલબ્ધ છે, જેને મોબાઇલ દ્વારા મંગાવી શકાય છે.
આ ઉપરાંત ડોમિનોઝ તેની તમામ રેસ્ટોરન્ટના તમામ કર્મચારીઓ સ્વચ્છતા અને સુરક્ષાના નિયમોનું પાલન કરે તે સુનિશ્ચિત કરશે. મેકડોનાલ્ડે પણ આવી સેવા લોન્ચ કરી છે, જેનું નામ કોન્ટેક્ટલેસ ડિલિવરી આપવામાં આવ્યું છે.
આ સેવા હેઠળ ગ્રાહક પોતાનો ઓર્ડર રેસ્ટોરન્ટના ડિલિવરી સ્ટાફના કોન્ટેક્ટમાં આવ્યા વગર લઇ શકશે. યાદીમાં જણાવ્યા અનુસાર ઓર્ડરને કોઇ પણ કર્મચારી ખુલ્લા હાથે સ્પર્શ નહીં કરે અને સ્વચ્છતા જાળવવા તમામ ઉપાય સુનિશ્ચિત કરશે, તેમાં ઓર્ડરની ડિલિવરી કરનાર વ્યક્તિ ગ્રાહકના દરવાજાની બહાર નિર્ધારિત સ્થળે પેકેટ રાખી સુરક્ષિત અંતરે ઊભી રહેશે.