દક્ષિણ આફ્રિકી દેશ ઝિમ્બાબ્વે વર્ષોથી ભયંકર ગરીબી અને બેરોજગારી સામે ઝઝૂમી રહ્યો છે. દેશની લગભગ 90 ટકા વસ્તી બેરોજગાર છે.
ઝિમ્બાબ્વેમાં ગરીબી અને બેરોજગારીએ માઝા મુકી
દેશમાં 90 ટકા લોકો છે બેરોજગાર
ખાવાના પણ ફાંફા, લાંચ અથવા સેક્સના બદલામાં મળે છે નોકરી
દક્ષિણ આફ્રિકી દેશ ઝિમ્બાબ્વે વર્ષોથી ભયંકર ગરીબી અને બેરોજગારી સામે ઝઝૂમી રહ્યો છે. દેશની લગભગ 90 ટકા વસ્તી બેરોજગાર છે. નિરાશ થઈને યુવક લાંચ તરીકે અમુક રૂપિયા આપીને જેવી તેવી નોકરી કરવા માટે મજબૂર બને છે, પણ છોકરીઓ માટે આનાથી પણ વધારે મુશ્કેલીઓનો સામનો કરવો પડે છે. કેમ કે, તેમને નોકરી મેળવવા માટે નોકરી આપનારા સાથે શારીરિક સંબંધ બાંધવો પડે છે. જેનાથી કેટલીય છોકરીઓ એઈડ્સ જેવી ગંભીર બિમારીઓને ભોગ બને છે.
છોકરાઓને નોકરીના બદલામાં આપવા પડે છે રૂપિયા
નોર્મન ચિસુંગા એવા જ યુવકોમાંથી આવે છે, જેણે એક નોકરીની શોધમાં ફેબ્રુઆરી 2019માં પોતાનું ગામ છોડીને રાજધાની હરારે પોતાના કાકા પાસે પહોંચ્યો હતો. તેને નોકરીની તાતી જરૂર હતી. તેના કાકા રાજધાનીના સૌથી ધનાઢ્ય શહેર મબારેમાં એક વેપારી તરીકે કામ કરતા હતા.
90 ટકા લોકો નોકરી માટે રઝળી રહ્યા છે
24 વર્ષિય ચિસુંગાએ જણાવ્યું હતું કે, વર્ષ 2017માં તેને હાઈસ્કૂલમાંથી ડિપ્લોમાં કર્યું હતું. તેમણે કહ્યું કે, હું ગમે તેવી નોકરી કરવા માગુ છું. પણ ક્યાંય કોઈ નોકરી આપતા નથી. ચિસુંગાની માફક ઝિમ્બાબ્વેનો દરેક યુવાન નોકરીની શોધમાં છે, પણ કોઈ કામ નથી મળતું. દેશના 1 કરોડ 40 લાખ લોકોમાંથી મોટા ભાગના લોકો આજીવિકા માટે કોઈ ને કોઈ અસંગઠિત ક્ષેત્રમાં કામ કરે છે, કારણે કે, દેશમાં લોકોને ક્યાંય નોકરી નથી મળતી.
છોકરીઓએ નોકરીના બદલામાં શારીરિક સંબંધ બાંધવો પડે છે
એક રિપોર્ટમાં જણાવ્યા અનુસાર કેટલાય યુવાનોએ આ અંગે ખુલાસો કર્યો હતો કે, તેમને નાનામાં નાની નોકરી માટે કાંતો રૂપિયા આપવા પડે છે. અથવા તો મજબૂરીમાં શારીરિક સંબંધ બાંધવો પડે છે. 24 વર્ષિય બ્યૂટી થેરેપિસ્ટ તાયાનાના કુટેઉરા, જે હવે રાજધાની હરારેમાં એક દુકાનમાં કામ કરે છે. તેણે જણાવ્યું હતું કે હું એક સુપરમાર્કેટમાં કામ કરવા માગતી હતી, પણ મેનેજરે નોકરી આપવા માટે 50 અમેરિકી ડોલર માગ્યા, મારી પાસે તે સમયે એટલા રૂપિયા નહોતા, પણ મારે નોકરીની સખ્ત જરૂર હતી.
એચઆઈવીનો શિકાર બની રહી છે મહિલાઓ
કુતુરા જેવી યુવા મહિલાઓમાંથી ઘણી વાર નોકરી આપનારા પુરુષોએ બદલામાં શારીરિક સંબંધ બાંધવાની માગ કરી હતી, કુતુરા પોતાના અનુભવ જણાવે છે કે, મને નોકરી માટે આવા જ પ્રકારની સ્થિતિનો કેટલીય જગ્યાએ સામનો કરવો પડ્યો. એક વાર મને કેન્ટીન સંભાળવવા માટે નોકરી મળી, પણ ત્યાં પણ આવી જ વાત કે, નોકરી માટે મારે માલિક સાથે સુવુ પડશેે, મેં તે નોકરી કરી નહીં.
કુતુરાએ આગળ જણાવ્યું હતું કે, હું એક એવી પણ છોકરીને જાણુ છું જે નોકરીની ઈચ્છામાં એચઆઈવીથી સંક્રમિત થઈ ગઈ હતી, તેને એક નવા ખુલેલા સુપરમાર્કેટમા માલિકે સેક્સના બદલામાં નોકરી આપી હતી. તે માની ગઈ અને નોકરી લઈ લીધી. નોકરીના પૈસાથી તેણે એક કાર પણ ખરીદી લીધી, થોડા સમયમાં જ તે સુપરમાર્કેટમાં મેનેજર બની ગઈ, જો કે હવે તે એચઆઈવી પોઝિટિવ આવી છે.