T20 વર્લ્ડ કપના ઈતિહાસમાં સૌથી રોમાંચક છેલ્લી ઓવર વિશે વાત કરીએ તો, લિસ્ટ ઘણી લાંબી નીકળી શકે છે પણ મેચની રોમાંચક છેલ્લી બોલ હોય એવું ઓછું જોવા મળ્યું છે. રવિવારે 30 ઓક્ટોબરના રોજ ઝિમ્બાબ્વે અને બાંગ્લાદેશ વચ્ચેની મેચમાં બનાવ બન્યો હતો અને આ છેલ્લા બોલ પર પરિણામ આવી ગયું હતું પણ એ જ સમયે અમ્પાયરે અલગ નિર્ણય આપીને મેચને વધુ રસપ્રદ બનાવી દીધો હતો.
જણાવી દઈએ કે મેચમાં 151 રનના લક્ષ્યનો પીછો કરવા ઉતરેલી ઝિમ્બાબ્વેની ટીમને છેલ્લી ઓવરમાં 16 રનની જરૂર હતી અને આ ઓવર સ્પિનર મોસાદ્દેક હુસૈને કરી હતી અને રેયાન બર્લે અને બ્રાડ ઇવાન્સ ક્રીઝ પર હાજર હતા. આ ઓવરમાં ઝિમ્બાબ્વેએ 5 બોલમાં 11 રન બનાવ્યા હતા પણ એ સાથે જ 2 વિકેટ પણ ગુમાવી હતી. .
અમ્પાયરે ખેલાડીઓને ફરી મેદાનમાં બોલાવીને છેલ્લી બોલ ફરી કરાવી
એ સમયે મેચ હવે છેલ્લા બોલ પર સ્થિર થઈ ગઈ હતી અને ઝિમ્બાબ્વેને 5 રનની જરૂર હતી. ક્રિઝ પર નવો બેટ્સમેન મુજરબાની હાજર હતો અને તેને આગળ જઈને લાંબો શોટ રમવાનો પ્રયત્ન કર્યો પણ બોલ બાંગ્લાદેશના વિકેટકીપર નુરુલ હસનના હાથમાં આવી ગયો અને તેને સ્ટમ્પ આઉટ કરી દીધો હતો. બધાને થયું બાંગ્લાદેશે 4 રને મેચ જીતી ગઈ અને દરેક ખેલાડીઓ ખુશ થઈને પેવેલિયનમાં જઈ રહ્યા હતા એ જ સમયે ફિલ્ડ અમ્પાયર આવ્યો અને અમ્પાયરે છેલ્લા બોલને નો-બોલ ગણાવીને દરેકને મેદાનમાં પાછા બોલાવ્યા હતા. એ ક્ષણે લોકો તો ઠીક પણ બાંગ્લાદેશ અને ઝિમ્બાબ્વેના ખેલાડીઓ પણ સમજાયું નહીં કે શું થયું.
બાંગ્લાદેશી વિકેટકીપરની હોશિયારી ટીમને લઈ ડૂબત
અમ્પાયરના છેલ્લા બોલનો નિર્ણય પર થર્ડ અમ્પાયરને રિફર કર્યો હતો અને ખબર પડી એ બાંગ્લાદેશી વિકેટકીપરે સ્ટમ્પ આઉટ કરવા માટે સ્ટમ્પની આગળથી ચાલાકીપૂર્વક બોલને પકડી લીધો હતો અને એટલા માટે જ અમ્પાયરે તેને નો-બોલ ગણાવીને ઝિમ્બાબ્વેના ખાતામાં એક રન ઉમેર્યો હતો. એ પછી એ બોલ ફરી રમાડવામાં આવ્યો ત્યારે મુજરબાની બેટિંગ કરી રહ્યો હતો પણ એ તે નવા મોકાનો લાભ નહતો ઉઠાવી શક્યો. એ પછી બાંગ્લાદેશે કોઈ ભૂલ કર્યા વીના 3 રને મેચ જીતી લીધી હતી.