રોગચાળો / કાનપુરમાં આ વાયરસે મચાવ્યો કહેર,સર્ગભા મહિલા સહિત એક સાથે આટલા દર્દીઓ બીમાર પડતાં વહીવટી તંત્ર દોડતું થયું 

• કાનપુરમાં ઝીકા વાયરસના 14  કેસો મળી આવતાં ખળભળાટ 
• કાનપુરમાં 1લી નવેમ્બરે એક સાથે 6 કેસ મળી આવ્યાં હતાં.  
• હોસ્પિટલમાં અલગ વોર્ડ બનાવ્યો છે

Today, 25 new cases of Zika virus have been verified. There were 11 cases of Zika virus till yesterday. Health teams have been rushed to various places, contact tracing being done. There is no need to panic: Dr Nepal Singh, CMO Kanpur pic.twitter.com/aRYegbc80S

— ANI UP (@ANINewsUP) November 3, 2021

કાનપુરમાં ઝીકા વાયરસના આટલા કેસો મળી આવતાં ખળભળાટ 

ઉત્તર પ્રદેશના કાનપુરમાં ઝીકા વાયરસનો કહેર જોવા મળી રહ્યો છે. જિલ્લામાં એક સાથે 14 દર્દીઓમાં આ વાયરલની પુષ્ટિ થઈ છે અને તેમાં એક સગર્ભા મહિલાનો પણ સમાવેશ થાય છે. જે બાદ જિલ્લામાં ઝિકા સંક્રમિતોની સંખ્યા હવે 25 પર પહોંચી ગઈ છે. જિલ્લામાં એકસાથે 14 દર્દીઓ મળી આવતાં જિલ્લામાં ખળભળાટ મચી ગયો છે. આ સાથે જ જિલ્લામાં ઝીકા વાયરસના કેસ વધ્યા બાદ ડીએમ સીએમઓ સહિત આરોગ્ય વિભાગના અધિકારીઓની બેઠક બોલાવવામાં આવી છે.

કાનપુરમાં 1લી નવેમ્બરે એક સાથે 6 કેસ મળી આવ્યાં હતાં.  

ઉલ્લેખનીય છે કે, યુપીના  કાનપુરમાં ઝીકા વાયરસના કેસ ઝડપથી વધી રહ્યા છે. અહીં 1 નવેમ્બરના રોજ 6 કેસ મળી આવ્યા હતા અને આ તમામ કેસ જિલ્લાના ચકેરી વિસ્તારમાં સામે આવ્યા હતા. ઝિકા વાયરસના છ દર્દીઓમાંથી ચાર મહિલાઓ હતી. જ્યારે ગત મહિને જ જિલ્લામાં ઝીકા વાયરસનો પ્રથમ કેસ નોંધાયો હતો. જે બાદ જિલ્લામાં આરોગ્ય વિભાગ એલર્ટ થઈ ગયું હતું. જિલ્લામાં એરફોર્સના કર્મચારીમાં ભયંકર ઝીકા વાયરસની પુષ્ટિ થઈ હતી. આ અંગે તપાસ કરવા માટે દિલ્હીથી ટીમ પણ પહોંચી હતી.

હોસ્પિટલમાં અલગ વોર્ડ બનાવવામાં આવ્યો છે

તાજેતરમાં જિલ્લામાં ઝીકા વાયરસના કેસો સામે આવ્યા બાદ વહીવટી તંત્રના આદેશથી આરોગ્ય વિભાગ હરકતમાં આવ્યું હતું અને કાશીરામ હોસ્પિટલમાં દર્દીઓની સારવાર માટે અલગ વોર્ડ બનાવવામાં આવ્યો હતો. બીજી બાજુ ઝીકા વાયરસને વધતા રોકવા માટે જિલ્લા વહીવટીતંત્ર તમામ મોટા પગલાં લઈ રહ્યું છે. પરંતુ તેમ છતાં જિલ્લામાં ઝીકા વાયરસના કેસ સતત વધી રહ્યા છે, હવે જિલ્લામાં આ વાયરલના દર્દીઓની સંખ્યા વધીને 25 થઈ ગઈ છે.

જાણો શું છે ઝીકા વાયરસના લક્ષણો

ઝીકા વાયરસના ઘણા લક્ષણો ડેન્ગ્યુ જેવા જ છે અને તે વધુ જીવલેણ સાબિત થઈ શકે છે. ઝીકા વાયરસને કારણે તાવ, શરીર પર ચકામા અને સાંધાનો દુખાવો સામાન્ય છે. આ સામાન્ય લક્ષણો છે જે દર્દીમાં જોવા મળે છે.