રશિયા-યુક્રેન જંગને યુક્રેનને ઘણું નુકસાન થયું છે, એટલા માટે યુક્રેનનાં રાષ્ટ્રપતિ જેલેંસ્કીના જેકેટનું ઓકશન થયું, જેનાથી એકઠા થયેલા ફંડ દ્વારા ફસાયેલા લોકોને મદદ કરવામાં આવશે
યુક્રેનનાં રાષ્ટ્રપતિ જેલેંસ્કીના જેકેટનું ઓકશન થયું
જેકેટ લગભગ ૮૪,૬૦,૦૦૦ (૧,૧૦,૦૦૦ ડોલર)માં વેચાયું છે
ઓક્શનમાં એકઠા થયેલા ફંડથી યુક્રેનમાં ફસાયેલા લોકોને મદદ કરવામાં આવશે
યુક્રેનનાં રાષ્ટ્રપતિ જેલેંસ્કીના જેકેટનું ઓકશન થયું
રશિયા-યુક્રેન વચ્ચેનાે જંગ બે મહિના કરતાં વધુ સમયથી ચાલી રહી છે. સતત બોમ્બમારા વચ્ચે યુક્રેનનાં શહેરોથી દુનિયાનું કોમ્યુનિકેશન તૂટી ગયું છે. ઈન્ફ્રાસ્ટ્રકચરને પણ ઘણું નુકસાન થયું છે. આ બધા વચ્ચે યુક્રેનના રાષ્ટ્રપતિ જેલેંસ્કીના જેકેટનું ઓકશન થયું છે. આ ઓક્શનમાં જે ફંડ એકઠું થયું છે તેનાથી યુક્રેનમાં ફસાયેલા લોકોને મદદ કરવામાં આવશે.
લંડનમાં આયોજિત કરવામાં આવેલા એક ચેરિટી ઓક્શનમાં જેલેંસ્કીનું જેકેટ લગભગ ૮૪,૬૦,૦૦૦ (૧,૧૦,૦૦૦ ડોલર)માં વેચાયું છે. આ ઓક્શન લંડન સ્થિત યુક્રેન એમ્બેસીએ ઓર્ગેનાઈઝ કર્યું હતું.
I was honoured to speak at the Brave Ukraine Fundraiser this evening alongside @ZelenskyyUa.
Our support for Ukraine is unwavering, and we must do everything we can to help Ukraine defend itself and ease the burden of suffering on innocent Ukrainians.
જેકેટની કિંમત પહેલા 47 લાખ રાખવામાં આવી હતી
મીડિયા રિપોર્ટ મુજબ જેકેટની પહેલાં કિંમત ૪૭ લાખ રાખવામાં આવી હતી. ત્યાર બાદ બ્રિટનના વડા પ્રધાન બોરિસ જોનસને લોકોને વધુને વધુ કિંમતે ખરીદવાનો આગ્રહ કર્યો હતો, જેનાથી યુક્રેનમાં ફસાયેલા લોકોને મદદ કરી શકાય. તેમણે કહ્યું કે યુક્રેનને સપોર્ટ કરો, જેથી બીજી વખત કોઈ કીવ પર હુમલો ન કરી શકે અને યુક્રેન હંમેશાં આઝાદ દેશ બની રહે.
11 મેનાં રોજ બોલનું પણ ઓક્શન થશે
ઓક્શનમાં ચાઈનીઝ માટીથી બનેલા વાસિલકીવ જગનું પણ ઓક્શન થયું હતું. આ જગ કીવના બોરોડિએન્કા વિસ્તારમાં રશિયન બોમ્બમારા અને તબાહી વચ્ચે બચી ગયો હતો, જેને એક મહિલાએ કીવની મુલાકાતે આવેલા બ્રિટનના વડા પ્રધાન બોરિસ જોનસન અને યુક્રેનના રાષ્ટ્રપતિ વોલોદિમીર જેલેંસ્કીને ગિફ્ટ કર્યો હતો.
જેલેંસ્કીની સાઈનવાળા એક બોલની ઓનલાઈન હરાજી થશે. મેજર લીગ બેઝબોલ (એમએલબી)ના આ બોલ પર રાષ્ટ્રપતિ જેલેંસ્કીએ ૨૦૧૯માં ન્યૂયોર્કની યાત્રા દરમિયાન સાઈન કરી હતી. જાણકારી મુજબ બોલ ઘણી સારી સ્થિતિમાં છે અને ઓછામાં ઓછા ૧૧,૪૭,૦૦૦થી વધુ કિંમતમાં વેચાશે. આ હરાજી ૧૧ મે સુધીમાં થશે.