બોલિવુડ એક્ટ્રેસ ઝરીન ખાને તાજેતરમાં જ પોતાના ઑફિશ્યલ સોશ્યલ મીડિયા એકાઉન્ટ પર એક ફોટો શૅર કર્યો છે.
ઝરીન હાલમાં ઉદયપુરમાં શૂટિંગ કરી રહી છે. તેણે ઈન્સ્ટામાં એક પછી એક એમ બે ફોટોઝ શૅર કર્યા છે. આ શૅર કરેલા ફોટોઝમાં ઝરીનનું પેટ જે રીતે દેખાય છે, તેના પર અનેક યુઝર્સે કમેન્ટ્સ કરી હતી. જોકે, ઝરીને ટ્રોલર્સને જડબાતોડ જવાબ આપી દીધો છે.
ઝરીન ખાને પોતાના ફોટો પર આવેલા કમેન્ટ્સ કરનારા યૂઝર્સની સ્ક્રીન શોર્ટ્સ લઇને પોતાની ઇન્સ્ટા સ્ટોરી પર શૅર કર્યા છે, જેમાં લોકોએ તેના પેટને લઇને મજાક ઉડાવી છે. કોઇએ સ્ટ્રેચ માર્ક્સ ગણાવ્યા તો કોઇએ લખ્યુ કે, પેટ જોઇને ઉલ્ટી આવી ગઇ. જોકે, કેટલાંક યુઝર્સે એમ પણ કહ્યું હતું કે, વજન ઓછું કર્યાં બાદ બૉડી સાથે આવું થાય છે.
50 કિલો સુધી વજન ઘટાડ્યુ ઝરીન ખાને:
સ્ક્રીન શોટ્સ શૅર કર્યાં બાદ ઝરીને એક નોટ પણ લખી હતી. જેમાં તેણે કહ્યું હતું કે જે લોકોને એ જાણવાની આતુરતા છે કે તેના પેટને શું થયું છે, તો આ એ લોકો માટે છે. આ એક એવી વ્યક્તિનું સ્વાભાવિક પેટ છે, જેણે 50 કિલો જેટલું વજન ઓછું કર્યું છે. આ આવું જ દેખાય છે, આને ફોટોશોપ કરવામાં આવ્યું નથી અને ઓપરેશન પણ કરાવવામાં આવ્યું નથી. તે સત્યમાં વિશ્વાસ રાખે છે. તેણે પેટ ઢાંકવાને બદલે ગર્વની સાથે પોતાની ખામીઓને સ્વીકારી છે.
ઉલ્લેખનીય છે કે, ઝરીન ખાન ઉદયપુર અંશુમન ઝાની ફિલ્મ ‘હમ ભી અકેલે તુમ ભી અકેલે’ના લાસ્ટ શિડ્યૂઅલ માટે બીજીવાર આવી છે. આ ફિલ્મ આવતા વર્ષે 14 ફેબ્રુઆરી રિલીઝ થશે.