Zara Hatke Zara Bachke Trailer / પ્રેમ, લગ્ન અને પછી છૂટાછેડા... સારા અલી ખાન અને વિકી કૌશલની રોમેન્ટિક કેમેસ્ટ્રી, મજેદાર છે ફિલ્મનું ટ્રેલર

• 'જરા હટકે જરા બચકે'નું ટ્રેલર રિલીઝ થઈ ગયું
• વિકી કૌશલ અને સારા અલી ખાનની રોમેન્ટિક કેમેસ્ટ્રી મળી જોવા 
• 'ઇસ બાર સારી હદેં હોંગી પાર, જબ તલાક હોગા સહપરિવાર' જુઓ ટ્રેલર 

Zara Hatke Zara Bachke Trailer: વિકી કૌશલ અને સારા અલી ખાનની આગામી રોમેન્ટિક ડ્રામા 'જરા હટકે જરા બચકે'નું ટ્રેલર રિલીઝ થઈ ગયું છે. મેડૉક ફિલ્મ્સ અને જિયો સ્ટુડિયો દ્વારા નિર્મિત, આ ફિલ્મ 2 જૂને સિનેમાઘરોમાં આવશે. રોમેન્ટિક-કોમેડી ફિલ્મ લક્ષ્મણ ઉતેકર દ્વારા દિગ્દર્શિત કરવામાં આવી છે, જેમણે અગાઉ કૃતિ સેનન અભિનીત 'મિમી' (2021)નું નિર્દેશન કર્યું હતું. આ ફિલ્મના ટ્રેલરમાં વિકી કૌશલ અને સારાનો રોમાન્સ અને ફાઈટ બંને જોવા લાયક છે.

સહ-પરિવાર થશે તલાક 
ટ્રેલર રિલીઝ કરતાં નિર્માતાઓએ લખ્યું, "ઇસ બાર સારી હદેં હોંગી પાર, જબ તલાક હોગા સહપરિવાર. જુઓ જરા હટકે જરા બચકે ટ્રેલર, 2 જૂન, 2023 ના રોજ સિનેમાઘરોમાં થશે રિલીઝ ."

આ ફિલ્મમાં ઈન્દોરના એક મધ્યમવર્ગીય પરિણીત યુગલની વાર્તા દર્શાવવામાં આવી છે. કપિલ અને સૌમ્યાનો કોલેજ રોમાંસ લગ્નમાં ફેરવાઈ ગયો. પછી થોડા સમય પછી વાર્તામાં ટ્વિસ્ટ આવે છે. સુખી દામ્પત્ય જીવન જીવી રહેલા સૌમ્યા-કપિલના લગ્નજીવનમાં અણબનાવ છે. અહીં વાત એટલી ખરાબ થાય છે કે વાત છૂટાછેડા સુધી પહોંચી જાય છે અને પછી ફિલ્મની સ્ટોરી શરૂ થાય છે. જણાવી દઈએ કે આ એક  રોમેન્ટિક-કોમેડી ફિલ્મ છે.