ટીમ ઇન્ડિયાનો ફાસ્ટ બૉલર ઝહીર ખાન આજે પોતાનો 41માો જન્મદિવસ ઉજવી રહ્યો છે. લેફ્ટઆર્મ ફાસ્ટ બૉલર લાંબા સમય સુધી ટીમમાં રહેવા દરમિયાન ટીમ ઇન્ડિયાને ઘણી જીત અપીવી. જાણીએ તેના વિશે રસપ્રદ વાતો...
ઝહીરનો જન્મ મહારાષ્ટ્રના શ્રીરામપુરમાં થયો, શરૂઆતમાં તે એન્જિનિયર બનવા માંગતો હતો ત્યારે તેના પિતાએ કહ્યુ કે, ''એન્જિનિયર તો બહુ છે તું ફાસ્ટ બૉલર બન અને દેશ માટે રમ.'' જે પછી ટ્રેક બદલીને એક સફળ ક્રિકેટર બન્યો. 17 વર્ષની ઉંમરમાં નેશનલ ક્રિકેટ ક્લબમાં રમવા માટે શરૂ કર્યુ.
વર્ષ 2000 માં ICC ચેમ્પિયન્સ ટ્રોફીમાં કેન્યા વિરુદ્ઘ વનડે ક્રિકેટમાં પોતાના ઇન્ટરનેશનલ સફરની શરૂઆત કરનારા ઝહીરે પોતાની ઇનસ્વિંગના દમ પર 14 વર્ષ ઇન્ટરનેશનલ ક્રિકેટમાં રાજ કર્યુ. ઝહીરે 92 ટેસ્ટ, 200 વનડે અને 17 T-20 ઇન્ટરનેશનલ મેચ રમ્યા. ટેસ્ટ મેચમાં તેણે 311 અને વનડેમાં 282 વિકેટ લીધી, જ્યારે T-20 ઇન્ટરનેશનલમાં તેના નામે 17 મેચમાં 17 વિકેટ છે.
જ્યારે ડાબા હાથના બેટ્સમેનને બૉલિંગ કરવી હોય તો ઝહીર શાનદાર સાબિત થયો છે. ઝહીરે 237 વખત ડાહા હાથના બેટ્સમેનને આઉટ કર્યા. લેફ્ટહેન્ડર્સને આઉટ કરવા પર ત્રીજા નંબર પર છે. આ મામલામાં તેની આગળ શ્રીલંકાના દિગ્ગજ સ્પિનર મુથૈયા મુરલીધરન (325) અને સાઉથ આફ્રિકાને શૉન પોલક (252)ના નામે છે.
ઝહીર ખાને સાઉથ આફ્રિકાના પૂર્વ કેપ્ટન ગ્રીમ સ્મિથ, શ્રીલંકાઇ દિગ્ગજ કુમાર સંગાકારા, સનથ જયસૂર્યા અને ઓસ્ટ્રેલિયાના સલામી બેટ્સમેન મેથ્યૂ હેડનને ટેસ્ટ કરિયરમાં 10 થી વધુ વખત આઉટ કર્યા છે.
વન ડે ક્રિકેટની વાત કરવામાં આવે તો આ યાદીમાં ભારતના ચોથો સૌથી સફળ બૉલર છે. ઝહીરે 200 વનડે મેચમાં 282 વિકેટ લીધી. ઝહીરની આગળ અનિલ કુંબલે 334 વિકેટ, જવાગલ શ્રીનાથ 315 વિકેટ અને અજીત અગરકર 288 વિકેટ લીધી.
ઝહીર ખાન વર્લ્ડકપમાં શાનદાર ફોર્મમાં હતો. 2003 અને 2011માં ઝહીર ખાન માટે એક શાનદાર વર્લ્ડકપ રહ્યા. 2003માં ટીમ ઇન્ડિયા ઉપવિજેતા રહી અને 2011માં ટીમ ઇન્ડિયાએ વર્લ્ડ કપ ટાઇટલ પોતાના નામે કર્યુ. વર્લ્ડકપના ઇતિહાસમાં ઝહીરે કુલ 44 વિકેટ લીધી. વર્લ્ડકપમાં સૌથી વધારે વિકેટ લેનારા પાંચમા સ્થાન પર છે જ્યારે ભારતીયોમાં સૌથી આગળ છે.
બેટિંગના મામલામાં પણ ઝહીર ખાને સારું ફોર્મ કર્યુ. વને ક્રિકેટમાં તેણે ઝિમ્બાબ્વેના હેનરી ઓલંગાની ઑવરમાં 4 સિક્સર ફટકારી હતી. ઇન્ટરનેશનલ કરિયરમાં ટેસ્ટમાં 1231 અને વનડેમાં 792 રન કર્યા. T20 ક્રિકેટમાં તેના નામે માત્ર 13 રન છે.