સોનાક્ષી સિંહા અને ઝહીર ઈકબાલે આખરે તેમના સંબંધોને સત્તાવાર જાહેર કર્યા છે. જ્યારે ઝહીર ઈકબાલે સોનાક્ષી સાથે એક વીડિયો અને કેટલીક તસવીરો શેર કરીને પ્રપોઝ કર્યું તો એક્ટ્રેસે 'લવ યુ' કહીને જવાબ આપ્યો.
સોનાક્ષી સિંહા અને ઝહીર ઈકબાલ છે રિલેશનમાં
ઝહીરે સોનાક્ષી સાથે શેર કર્યો વીડિયો
એક્ટ્રેસે પણ કર્યો પ્રેમનો ઈઝહાર
છેવટે સોનાક્ષિ સિન્હા અને ઝહીર ઈકબાલે પોતાના રિલેશનને કન્ફર્મ કર્યું છે. સોનાક્ષી સિંહા અને ઝહીર ઈકબાલના અફેરની ચર્ચાઓ ઘણા સમયથી આવી રહી હતી. જો કે બંનેએ આ અંગે કંઈપણ કહેવાનું ટાળ્યું હતું. પરંતુ હવે ઝહીર ઈકબાલે પોતે જ પોસ્ટ કરીને સમગ્ર રાઝ પરથી પડદો ઉઠાવ્યો છે. ઝહીર ઈકબાલે સોનાક્ષી સિંહા સાથેના પોતાના સંબંધોને સત્તાવાર જાહેર કર્યા છે અને અભિનેત્રીને 'આઈ લવ યુ' કહ્યું છે. સોનાક્ષીએ પણ 'લવ યુ' કહીને જવાબ આપ્યો છે.
ઝહીરની પોસ્ટ થઈ રહી છે વાયરલ
સોનાક્ષી સિન્હા અને ઝહીર ઈકબાલની આ પોસ્ટ પર ફેન્સથી લઈને સેલેબ્સની ઘણી પ્રતિક્રિયાઓ આવી રહી છે અને તેઓ તેમને અભિનંદન આપી રહ્યા છે. ઝહીર ઈકબાલે સોનાક્ષી સાથે વિતાવેલી સુંદર પળોના વીડિયો શેર કર્યો અને લખ્યું, 'હેપ્પી બર્થ ડે...મને ન મારવા બદલ આભાર. હું તને પ્રેમ કરું છુ. આપણે આવનારા સમયમાં પણ આ રીતે ખાતા રહીએ, પ્રેમ અને હાસ્ય ફેલાવતા રહીએ.
ઝહીર ઈકબાલ અને સોનાક્ષીએ એક-બીજાને કર્યું પ્રપોઝ, જુઓ વીડિયો
સેલેબ્સે કરી કમેન્ટ્સ
ઝહીર ઈકબાલ દ્વારા શેર કરવામાં આવેલી આ પોસ્ટને સોનાક્ષીએ જોતાં જ તે પોતાની જાતને રોકી શકી નહીં. તેણે જવાબમાં લખ્યું, 'થેન્ક્યૂ... લવ યુ અને હવે હું તને મારવા આવી રહી છું.' ઝહીર ઈકબાલની આ પોસ્ટ પર પત્રલેખા, સિદ્ધાર્થ મલ્હોત્રા, વરુણ શર્મા, તારા સુતારિયા અને હુમા કુરેશી સહિત ઘણા સેલેબ્સે પ્રેમ વરસાવ્યો છે.
ઝહીર ઈકબાલ અને સોનાક્ષી લગ્નમાં સાથે જોવા મળ્યા હતા
સોનાક્ષી સિન્હા અને ઝહીર ઈકબાલ તાજેતરમાં એક લગ્નમાં સાથે જોવા મળ્યા હતા. બંને બ્લેક કલરનો ડ્રેસ પહેરીને સાથે પહોંચ્યા હતા. સોનાક્ષી અને ઝહીર ઈકબાલ લાંબા સમયથી એકબીજાની સાથે છે. થોડા અઠવાડિયા પહેલા જ્યારે સોનાક્ષીએ હીરાની વીંટી ફ્લોન્ટ કરતી કેટલીક તસવીરો શેર કરી હતી. ત્યારે અટકળો વહેતી થઈ હતી કે સોનાક્ષિની સગાઈ ઝહીર ઈકબાલ સાથે થઈ ગઈ છે.
ઝહીર અને સોનાક્ષી Double XLમાં સાથે જોવા મળશે
સોનાક્ષી સિન્હા અને ઝહીર ઈકબાલ ફિલ્મ Double XLમાં સાથે જોવા મળશે. આ ફિલ્મમાં હુમા કુરેશી પણ છે. ઝહીરે સલમાન ખાનની ફિલ્મ ધ નોટબુકથી બોલિવૂડમાં એન્ટ્રી કરી હતી. સોનાક્ષી સિન્હાએ એક ઈન્ટરવ્યુમાં જણાવ્યું હતું કે જ્યારે તે 20 વર્ષની હતી ત્યારે તે રિલેશનશિપમાં હતી. તેમનો સંબંધ 5 વર્ષ સુધી ચાલ્યો, પરંતુ પછીથી તૂટી ગયો. અભિનેત્રીના કહેવા પ્રમાણે, તેણે આ સંબંધમાંથી ઘણું શીખ્યું.