કોરોના વાયરસના કારણે વિવિધ સ્પોર્ટસ ઈવેન્ટ રદ્દ કરી દેવામાં આવી છે. પહેલાં વન ડે સીરીઝ અને હવે IPL પણ થોડા દિવસ માટે ઠેલાઈ દેવામાં આવતા ખેલાડીઓ પોતાની ફેમિલી સાથે સમય પસાર કરી રહ્યા છે. યુજવેન્દ્ર ચહલ પણ ટિકટોક પર ધ્યાન આપી રહ્યા છે.
કોરોનાનાં કારણે પરિવાર સાથે સમય વિતાવી રહ્યા છે ખેલાડીઓ
ચહલનો ટિકટોક વીડિયો વાયરલ
એક યુવતી સાથે રમૂજી અંદાજમાં દેખાઈ રહ્યા છે ચહલ
યુજવેન્દ્ર ચહલ સોશિયલ મીડિયામાં એક્ટિવ રહેતા ખેલાડીઓમાં છે. ચહલનાં ઘણા વીડિયો સોશિયલ મીડિયામાં વાયરલ થાય છે. કોરોના કહેર વચ્ચે યુજવેન્દ્ર ચહલનો વીડિયો સોશિયલ મીડિયામાં કોહરામ મચાવી રહ્યો છે.
ચહલનાં એક ચાહકે આ વીડિયો શેર કર્યો છે જેમાં ચહલ એક યુવતી સાથે દેખાઈ રહ્યા છે. ટિકટોક વીડિયોમાં પહેલાં તે યુવતી સાથે ચાલતા દેખાય છે બાદમાં જૂતાની લેસ બાંધતાં નજરે પડી રહ્યા છે. બેકગ્રાઉન્ડમાં ઈન્સ્ટ્રુમેન્ટલ મ્યુઝીક વાગી રહ્યું છે. વીડિયોમાં ચહલ યુવતી સાથે મસ્તી કરતા દેખાઈ રહ્યા છે.
ચહલનો આ વીડિયો જોઇને તેમના ફેન્સ ખૂબ મજા ઉઠાવી રહ્યા છે. આ વીડિયોનાં કોમેન્ટ બોક્સમાં લોકો ચહલનાં જૂના વીડિયો પણ નાખી રહ્યાં છે, સોશિયલ મીડિયામાં ચહલનાં રમૂજી વીડિયોની ભરમાર જોવા મળી રહી છે.
નોંધનીય છે કે ટૂંક સમય પહેલા પણ ચહલ બે યુવતીઓ સાથે રમૂજી ડાન્સ કરતા દેખાયા હતા. અવારનવાર આવતા આવા વીડિયોનાં કારણે લોકોનું માનવું છે કે ટીમ ઈન્ડિયાનાં સ્પીનર ચહલ રીયલ લાઈફમાં ખૂબ જ કૂલ છે.