b-town સેલિબ્રિટી અને ક્રિકેટર્સ પોતાની પ્રોફેશનલ લાઈફની સાથે-સાથે પોતાના અંગત જીવનને લઇને પણ ચર્ચામાં રહે છે. પ્રશંસકો પોતાના મનપસંદ સેલિબ્રિટી અંગે બધુ જાણવા માગે છે. તેમાંથી એક છે ભારતીય ક્રિકેટ ટીમના સ્પિનર યુઝવેન્દ્ર ચહલ અને જાણીતા યુ-ટ્યુબર અને ડાન્સર ધનશ્રી વર્મા.
પોતાની શિક્ષિકાના પ્રેમમાં પાગલ હતો આ ખેલાડી
યુઝવેન્દ્ર ચહલ-ધનશ્રીની મુલાકાત ડાન્સ ક્લાસ દરમ્યાન થઇ
રિલેશનશિપના ત્રણ મહિના બાદ બંનેએ સગાઈ કરવાનો નિર્ણય કર્યો
22 ડિસેમ્બરે બંને જણાએ પ્રભુતામાં પગલા માડ્યા
લગ્ન પહેલાથી જ બંને દંપત્તિ ખૂબ જ ચર્ચામાં રહે છે. ઉલ્લેખનીય છે કે, ગયા વર્ષે 22 ડિસેમ્બરના રોજ બંને જણાએ પ્રભુતામાં પગલા માડ્યા હતા. તેમના લગ્નને 1 વર્ષ પૂર્ણ થયુ છે. પરંતુ શું તમે જાણો છો કે તેમની લવ સ્ટોરીની શરૂઆત કેવીરીતે થઇ હતી? જો નથી જાણતા તો આજે અમે તમને જણાવીશું કે કેવીરીતે યુઝીનું દિલ પોતાના ડાન્સ ટીચર પર આવી ગયુ હતુ અને બંનેએ રિલેશનશિપના ત્રણ મહિના બાદ લગ્ન કરવાનો નિર્ણય કર્યો.
બંનેના લગ્ન 22 ડિસેમ્બર 2020ના રોજ દિલ્હીમાં ધામધૂમપૂર્વક થયા હતા. તેમના લગ્નમાં શિખર ધવન પણ હાજર રહ્યા હતા. જોકે, કેટલાંક ખેલાડી તેમના લગ્નના સમમયે ઓસ્ટ્રેલિયામાં હતા. ચહલ-ધનશ્રીના લગ્નની તસ્વીરો પણ ખૂબ વાયરલ થઇ હતી.
ધનશ્રી વર્મા ડાન્સ કોરિયોગ્રાફરની સાથે એક દાંતના ડોકટર
ધનશ્રી વર્મા ડાન્સ કોરિયોગ્રાફરની સાથે-સાથે એક દાંતના ડોકટર પણ છે. તેમણે મુંબઈની જ કોલેજમાંથી તબીબી અભ્યાસ કર્યો હતો. પરંતુ પ્રારંભથી જ તેમનો રસ ડાન્સમાં હતો. તેથી તેમણે પહેલેથી જ ડાન્સમાં પોતાની કારકિર્દી બનાવવાનું વિચાર્યુ અને ત્યારબાદ તેમણે શામક દાવરમાંથી ટ્રેનિંગ લેવાનું શરૂ કર્યુ. તેમણે 2017માં પોતાની યુ-ટ્યુબ ચેનલ બનાવી.
ચહલ અને ધનશ્રીની મુલાકાત પણ ડાન્સ ક્લાસ દરમ્યાન થઇ હતી. જણાવવામાં આવ્યું છે કે 2020ના લોકડાઉન દરમ્યાન યુઝવેન્દ્ર ચહલ અને ધનશ્રીની મુલાકાત ઓનલાઈન થઇ હતી. એક ઈન્ટરવ્યુમાં ધનશ્રી વર્માએ જણાવ્યું હતુ કે યુઝવેન્દ્ર ચહલે લોકડાઉન દરમ્યાન તેમની ઓનલાઈન ક્લાસ જોઈન કરી હતી અને આ દરમ્યાન તેઓ તેના પ્રેમમાં પાગલ થયા હતા. અહીંથી બંનેની વાતચીત આગળ વધી અને રિલેશનશિપના ત્રણ મહિના બાદ તેમણે સગાઈ કરવાનો નિર્ણય કર્યો. ત્યારબાદ બંનેએ ઓગષ્ટ 2020માં સગાઈ કરી અને ડિસેમ્બર 2020માં બંનેએ પ્રભુતામાં પગલા માડ્યા હતા.