૨૦૧૧ વર્લ્ડકપનાં હીરો રહેલા યુવરાજસિંહે આજે વાત કરવા માટે મુંબઈની એક હોટલમાં મીડિયાને આમંત્રણ આપ્યું હતું. આ આમંત્રણ બાદથી જ અટકળો તેજ થઈ ગઈ હતી અને મનાતું હતું કે નિવૃત્તિ જાહેર કરાશે. આખરે આજે ક્રિકેટર યુવરાજ સિંહે ક્રિકેટ જગતમાંથી સંન્યાસ લેવાનો નિર્ણય કર્યો હતો.
૨૦૧૧ વર્લ્ડકપનાં હીરો રહેલા યુવરાજસિંહે આજે વાત કરવા માટે મુંબઈની એક હોટલમાં મીડિયાને આમંત્રણ આપ્યું હતું. આ આમંત્રણ બાદથી જ અટકળો તેજ થઈ ગઈ હતી અને મનાતું હતું કે નિવૃત્તિ જાહેર કરાશે. આખરે આજે ક્રિકેટર યુવરાજ સિંહે ક્રિકેટ જગતમાંથી સંન્યાસ લેવાનો નિર્ણય કર્યો હતો.
યુવરાજ સિંહે કહ્યું કે મને ક્રિકેટે જીવનમાં ઘણું બધું આપ્યું છે.
યુવરાજ સિંહે પ્રેસ કોન્ફરન્સ દરમ્યાન કહ્યું હતું કે, ક્રિકેટે મને ઘણું બધું આપ્યું છે. હવે આગળ કેન્સર પીડિતો માટે કામ કરવાની ઇચ્છા છે. આ ઉપરાંત તેણે કહ્યું હતું કે, 2011નો વર્લ્ડ કપ એ મારા માટે સ્વપ્ન સમાન હતો. જીવનમાં મેં ક્યારેય હાર નથી માની. પિતાનો ઉલ્લેખ કરતા જણાવ્યું હતું કે મને ક્રિકેટર બનાવવો તેમનાં માટે એક સપનું હતું. ઉલ્લેખનીય છે કે યુવરાજનાં પિતા યોગરાજસિંહ પણ ટીમ ઇન્ડીયા માટે રમી ચૂક્યા છે. આ ઉપરાંત યોગરાજસિંહ 'ભાગ મિલ્ખા ભાગ' જેવી અન્ય બોલીવુડ ફિલ્મોમાં કલાકાર તરીકે પણ કામ કરી ચૂક્યાં છે.
BCCIનાં એક સિનિયર અધિકારીએ તાજેતરમાં જ કહ્યું હતું કે યુવરાજ આંતરરાષ્ટ્રીય અને પ્રથમ શ્રેણી ક્રિકેટમાંથી નિવૃત્તિ અંગે વિચારી રહ્યો છે. યુવરાજ BCCI સાથે જીટી-20 (કેનેડા) અને આયર્લેન્ડ તેમજ હોલેન્ડમાં યુરો ટી-૨૦ લીગમાં રમવા અંગે સ્પષ્ટતા કરવા ઇચ્છે છે, કારણ કે આ લીગમાં રમવા માટે યુવી ઓફર મળી રહી છે. યુવરાજ આ વર્ષે IPLમાં મુંબઇ ઇન્ડિયન્સ તરફથી રમ્યો હતો, પરંતુ બહુ ઓછી મેચમાં તેને રમવાની તક મળી હતી. ઉલ્લેખનીય છે કે વર્લ્ડ કપ 2011માં ટીમ ઈન્ડિયાની જીતમાં યુવરાજસિંહનો મહત્વનો ફાળો રહ્યો હતો.
યુવરાજે આ વર્ષે IPLમાં મુંબઈ ઈન્ડિયન્સ તરફથી રમ્યો હતો પરંતુ તેને વધારે તક મળી ન હતી. યુવીએ આ વર્ષે આઈપીએલમાં મુંબઈ ઈન્ડિયન્સ તરફથી 4 મેચોમાં કુલ 98 રન બનાવ્યાં હતાં. આ દરમ્યાન તેનો શ્રેષ્ઠ સ્કોર 53 રન રહ્યો હતો.
37 વર્ષીય યુવરાજ સિંહે ભારત માટે પોતાની છેલ્લી વન-ડે મેચ 30 જૂન 2017ના રોજ વેસ્ટઈન્ડિઝ વિરુદ્ધ રમી હતી. યુવીએ પોતાની છેલ્લી T20 મેચ 1 ફેબ્રુઆરી 2017ના રોજ ઈંગ્લેન્ડ વિરુદ્ધ રમી હતી. જ્યારે છેલ્લી ટેસ્ટ ડિસેમ્બર 2012માં ઈંગ્લેન્ડ સામે રમી હતી.