ટીમ ઈન્ડિયાના પૂર્વ ઓલરાઉન્ડર યુવરાજ સિંહે સોશિયલ મીડિયા પર ભારતીય ક્રિકેટરોનો એક મજેદાર ફોટો શેર કર્યો છે. યુવરાજે ટીમ ઈન્ડિયાના ખેલાડીઓની તસવીરને જેન્ડર સ્વેપ કરીને ઈન્સ્ટાગ્રામ પર શેર કરી છે. જે સોશિયલ મીડિયા પર ખૂબ વાયરલ થઈ રહી છે અને ફેન્સને ખૂબ પસંદ આવી રહી છે.
ટીમ ઈન્ડિયાના પૂર્વ ઓલરાઉન્ડર યુવરાજ સિંહે સોશિયલ મીડિયા પર એક્ટિવ રહે છે
યુવરાજ સિંહે ભારતીય ક્રિકેટરોનો એક મજેદાર ફોટો શેર કર્યો છે
યુવીએ જેન્ડર સ્વેપ કરીને ક્રિકેટરોની તસવીર શેર કરી
તમને જણાવી દઈએ કે, આ તસવીરમાં ભારતીય ઈન્ડિયન ટીમના સ્ટાર ક્રિકેટર્સ ફીમેલ વર્ઝનમાં જોવા મળી રહ્યાં છે. યુવરાઝ સિંહે આ ફોટો ઈન્સ્ટાગ્રામ પર શેર કરતા લખ્યું- આમાંથી તમે કોને તમારી ગર્લફ્રેન્ડ તરીકે સિલેક્ટ કરશો.
યુવરાજ સિંહના સવાલ પર ઓફ સ્પિનર હરભજન સિંહે કમેન્ટ કરતા કહ્યું-આમાંથી હું ભૂવીને (ભુવનેશ્વર કુમાર)ને પસંદ કરીશ. જ્યારે ઇંગ્લેન્ડના ભૂતપૂર્વ બેટ્સમેન કેવિન પીટરસન ભારતીય ક્રિકેટરોના ફિમેલ વર્ઝન જોઇને હસવાનું રોકી શક્યા નહીં અને આ ફોટો પર હસતી ઇમોજીસ મોકલી છે.
યુએઈના ક્રિકેટર ચિરાગ સુરીએ કમેન્ટ કરી કે, 'મને લાગે છે કે ભુવનેશ્વર કુમાર શ્રેષ્ઠ પસંદગી છે'. પોતાના ફીમેલ વર્ઝનને જોઈને ભુવનેશ્વર કુમાર પણ આશ્ચર્યચકિત થઈ ગયો અને તેણે લખ્યું, 'હું પણ ભુવીને પસંદ કરું છું. મોટાભાગના લોકોને ભુવનેશ્વર કુમારનો લુક બહુ ગમ્યો. લોકોએ ભુવનેશ્વર કુમારનું નામ બદલીને ભુવનેશ્વરી રાખી દીધું.