સ્પોર્ટ્સ / યુવરાજસિંહના ફ્લેટની કિંમત જાણીને તમે ચોંકી જશો, વિરાટનો પડોશી બનવા ખર્ચ્યા આટલા રૂપિયા

• યુવરાજ બન્યો વિરાટનો પાડોશી
• હેઝલ કરશે ગૃહપ્રવેશ

વિરાટ કોહલી ૨૦૧૬માં ઓમકાર ટાવર્સમાં શિફ્ટ થયો હતો. વિરાટનો ફ્લેટ ૩૫મા ફ્લોર પર છે, જ્યારે યુવરાજે ૨૯મા ફ્લોર પર ૧૬ હજાર સ્ક્વેર ફૂટનો ફ્લેટ ખરીદ્યો છે. યુવરાજનો ફ્લેટ વિરાટના ફ્લેટથી લગભગ ડબલ મોંઘો છે. અહેવાલ પ્રમાણે યુવીએ આ ફ્લેટ ૬૪ કરોડ કરોડ રૂપિયામાં ખરીદ્યો છે. યુવરાજે ફ્લેટના પ્રતિસ્ક્વેર ફૂટ માટે ૪૦ હજાર રૂપિયા ખર્ચ્યા છે. કોહલીએ ૩૪ કરોડ રૂપિયામાં ફ્લેટ ખરીદ્યો હતો.

ટીમ ઇન્ડિયાનો વાઇસ કેપ્ટન રોહિત શર્મા પણ મુંબઈના વર્લી વિસ્તારમાં જ રહે છે. રોહિતે ૨૦૧૭માં છ હજાર સ્ક્વેર ફૂટમાં બનેલો ફ્લેટ ખરીદ્યો હતો. રોહિતના ફ્લેટમાં અરબ સાગરનો શાનદાર નજારો જોવા મળે છે.

ભારતીય ખેલાડીઓની વાત કરવામાં આવે તો અત્યાર સુધી વિરાટ કોહલી અને રોહિત શર્મા સૌથી મોંઘા ઘરમાં રહેતા હતા. હવે યુવરાજસિંહ આ બંને કરતાં ઘણો આગળ નીકળી ગયો છે. એવું કહેવામાં આવી રહ્યું છે કે આવતા વર્ષે યુવરાજ પત્ની હેઝલ કીચ સાથે વર્લીના આ શાનદાર ફ્લેટમાં શિફ્ટ થઈ જશે.