ટીમ ઈન્ડિયાની બહાર રહેલા સ્ટાર બેટ્સમેન યુવરાજ સિંહે પોતાની પત્નીના જન્મદિવસે સોશ્યિલ મીડિયા પર સ્પેશિયલ સ્ટાઇલમાં પત્ની હેઝલ કીચને અભિનંદન આપ્યા હતા. યુવરાજે હેઝલ સાથે ઈનસ્ટાગ્રામ પર એક ફોટો શેર કર્યો છે.
આ ફોટોના કેપ્શનમાં યુવીએ લખ્યું 'હાઈ હેઝી આજે તમારો જન્મદિવસ છે. જન્મદિવસની શુભેચ્છા ઘણો બધો પ્રેમ અને દરેક સુખ તને મળે. આ સુંદર મૌસમમાં મારી સાથે ચાલવા બદલ તારો આભાર.'
હેઝલ હવે 31 વર્ષની થઈ ગઈ છે અને તેના પતિ સાથે આ ખાસ પ્રસંગે ખૂબ મસ્તીમાં ઉજવણી કરી કહી છે. ઉલ્લેખનીય છે કે યુવરાજ સિંહનું 30 નવેમ્બર 2016 ના રોજ લગ્ન થયા હતા અને હેઝલ કીચે લગ્ન બાદ તેનું નામ 'ગુરબસંત કૌર' રાખ્યું હતું.
યુવરાજ સિંહે તાજેતરમાં ક્રિકેટથી નિવૃત્તિ અંગે મીડિયા સાથે વાત કરી હતી અને કહ્યું હતું કે 2019 પછી જ હું આ બાબત પર કોઈ નિર્ણય લેશે. યુવરાજ સિંઘે કહ્યું હતું કે તેઓ 2019 સુધી ક્રિકેટ રમવાનું ચાલુ રાખશે અને તે પછી તેઓ સંન્યાસ લેવા કે નઈ તે નિર્ણય લેશે.
જૂન 2017માં યુવરાજ ભારત માટે છેલ્લી વનડે રમ્યો હતો. તેમણે જણાવ્યું હતું કે આગામી આઈપીએલ સિઝન તેમના માટે ખૂબ અગત્યની છે કારણ કે આ તેના સારા પ્રદર્શન પર 2019 વર્લ્ડ કપમાં રમવા માટેનો દાવો કરી શક્શે.