જુગારધામ / યુટ્યુબર ધવલ દોમડિયા સહિત જુગાર રમતા 5 શકુનીઓ ઝડપાયા, જુનાગઢ પોલીસે પાડ્યા હતા દરોડા

• જન્માષ્ટમીના પર્વ જુગારીઓ માટે જુગારનો અવસર
• જુગાર રમતા શકુનીઓ પકડાયા
• જુગારધામમાં યુટ્યુબર ધવલ દોમડિયા પણ પકડાયો

જન્માષ્ટમીના પર્વે જુનાગઢમાંથી જુગારધામ ઝડપાયું છે. જેમાં જુનાગઢ પોલીસે જુગાર રમતા જુગારીઓને પકડી પાડ્યા છે. જેમાં યુટ્યુબર ધવલ દોમડિયા સહિત 5 શખ્સોને પકડી પાડ્યા છે. હાલ પોલીસે તમામની અટકાયત કરીને વધુ તપાસ હાથ ધરી છે. પોલીસે યુટ્યુબર ધવલ દોમડિયા, કમલેશ ટાંક, નંદન પંડ્યા, ધવલ ભેડા અને જીગર કેલૈયાને જુગાર રમતા ઝડપા પાડ્યા હતા.

જુનાગઢ LCBને ગઇકાલે રાત્રે મધુરમ વિસ્તારમાં કૃષ્ણપાર્કમાં એક મકાનમાં જુગારધામ ચાલતું હોવાની બાતમી મળી હતી. જેના આધારે પોલીસે આ મકાનમાં દરોડા પાડ્યા હતા. આ દરમિયાન પોલીસે યુટ્યુબર ધવલ દોમડિયા સહિત 5 શખ્સોને જુગાર રમતા ઝડપી પાડ્યા હતા. હાલ પોલીસે કાયદેસરની કાર્યવાહી હાથ ધરી છે. જુનાગઢ પોલીસે દરોડા પાડી જુગાર રમતા 5 શખ્સો પાસેથી રોકડ રકમ, મોબાઈલ ફોન અને બાઈક સહિત કુલ 1,15,600 રૂપિયાનો મુદ્દામાલ કબ્જે કર્યો છે.