અરરર આવું કૃત્ય / પુણ્ય નગરીમાં પાપાચાર ! યુવાને અયોધ્યામાં ગાય સાથે કર્યો રેપ, ગામના વ્યક્તિએ પોલીસને મોકલ્યો વીડિયો

• અયોધ્યામાં બની શરમજનક ઘટના
• યુવાને ગાય સાથે કર્યો રેપ
• ગામના એક વ્યક્તિએ વીડિયો બનાવીને પોલીસને મોકલ્યો
• વીડિયોને આધારે પોલીસે આરોપીની કરી ધરપકડ 

મનુષ્યોની કામવાસના વિકૃતીની પરકાષ્ઠાએ પહોંચી છે. પ્રકૃતિની દિવ્ય ભેટ સમાન કામઊર્જાને મનુષ્યોએ અધમતાની ખીણમાં ઉતારી મૂકી છે અને તેના સમાજને પહેલેથી જ તેના માઠા ફળ મળી રહ્યાં છે. નિશ્ચિત રીતે કોઈની ઈચ્છા વિરુદ્ધ શરીર સંબંધ બાંધવા જધન્ય ગુનો અને પાપ છે અને તેમાંય જ્યારે પોતાની વિકૃત વાસના સંતોષવા માટે કોઈ પ્રાણીનો સહારો લે ત્યારે અંદરથી ખળભળી જવાય છે. 

બાજુના ગામમાં યુવાને આવીને ગાય પર કર્યો રેપ 
પુણ્યશાળી નગરી અયોધ્યામાં પણ પ્રાણી સાથે દુરાચારની એક ઘટના પ્રકાશમાં આવતા લોકોનો રોષ ફાટી નીકળ્યો છે અને આરોપીને સખતમાં સખત સજાની માગ કરવામાં આવી રહી છે. અયોધ્યામાં કામવાસનાની આગમાં બળતા એક વિકૃત વ્યક્તિએ પોતાની હવસ સંતોષવા માટે ગૌમાતાનો સહારો લીધો અને તેણે ગાય પર દુષ્કર્મ આચર્યું હતું. કોઈએ વિકૃતીની આ ઘટનાને મોબાઈલના કેમેરામાં શુટ કરી લીધી હતી અને તેનો વીડિયો બનાવીને પોલીસને મોકલી આપ્યો હતો. પોલીસે વીડિયોને આધારે આરોપી યુવાનને શોધખોળ કરીને તેને ઝડપી પાડ્યો અને તેને જેલભેગો કરી દીધો હતો.  

યુવાને રેપ કર્યાની કરી કબૂલાત 
જાણકારી અનુસાર આરોપી શહાબુદ્દીને 7 જૂનના રોજ સરાય ગામમાં એક ગાય પર બળાત્કાર ગુજાર્યો હતો. જોકે, યુવક શિવકર ગામનો રહેવાસી છે. આ ઘટના જોઇને ગામના કોઇએ યુવકની કરતૂતનો વીડિયો બનાવી લીધો હતો. આ વ્યક્તિએ વીડિયો સાથે પોલીસનો સંપર્ક સાધ્યો હતો અને પોલીસને હવાલે કર્યો હતો અને ફરિયાદ નોંધાવી હતી. સરાય ખરગીના રહેવાસી હરિઓમ સિંહે આ વીડિયો અંગે પોલીસને ફરિયાદ કરી હતી. ત્યારે આ કેસની તપાસ કરી રહેલી પોલીસે શુક્રવારે આરોપીને પકડી પાડ્યો હતો. કોતવાલી બીકાપુરના ઇન્સ્પેક્ટર સુમિત શ્રીવાસ્તવે જણાવ્યું હતું કે આરોપી યુવકે આ કેસમાં પોલીસને પોતાનું નિવેદન આપ્યું છે. પોતાના નિવેદનમાં આરોપીએ ગાય પર બળાત્કાર કર્યાની વાત સ્વીકારી છે. આ પછી પોલીસે તેની ધરપકડ કરીને કોર્ટમાં મેજિસ્ટ્રેટ સમક્ષ રજૂ કર્યો હતો. પોલીસે જણાવ્યું હતું કે આ કેસની હજી તપાસ ચાલી રહી છે. સાથે જ આરોપીએ આવું કેમ કર્યું તે પણ જાણવા મળી રહ્યું છે. શું તે માનસિક રીતે નબળો છે કે બીજું કંઈક છે? તેણે અગાઉ પણ આવું ઘૃણાસ્પદ કામ કર્યું છે કે કેમ તે પણ જાણવા મળી રહ્યું છે.