બાઇક પર જઇ રહેલા પૂર્વ પ્રેમિકા અને પતિને મારી ટક્કર
અરવલ્લી જિલ્લાના શામળાજીના રાવતાવાડા ગામની સીમમાં પ્રેમ પ્રકરણમાં યુવકની હત્યાની ઘટના સામે આવી છે. પૂર્વ પ્રેમીએ બાઇક પર જઇ રહેલા પતિ-પત્નીને ટક્કર મારી અકસ્માત સર્જ્યો હતો. અકસ્માત બાદ મહિલાનો પતિ નીચે પટકાયો હતો. જો કે, નીચે પટકાયા બાદ પણ પૂર્વ પ્રેમીએ બે વાર ગાડી ચડાવી દેતા ગંભીર રીતે ઇજાગ્રસ્ત પતિનું મોત થયું હતું.
પ્રેમ પ્રકરણમાં હત્યા
રાજ્યમાં વધુ એક પ્રેમ પ્રકરણમાં હત્યાની ઘટના સામે આવી છે. શામળાજીના રાવતાવાડા ગામની સીમમાં પ્રેમ પ્રકરણમાં હત્યા થઈ હોવાનુ ખુલ્યું છે, સમગ્ર ઘટના આ રીતે છે કે, પૂર્વ પ્રેમીએ બાઈક પર જઈ રહેલા પતિ-પત્ની પર ઈકો ગાડી વડે ટક્કર મારી હતી જેમાં મહિલાના પતિનું મોત થયું છે. પૂર્વ પ્રેમીએ કારની ટક્કર મારી અકસ્માત સર્જ્યો હતો ત્યારે ગંભીર રીતે ઇજાગ્રસ્ત થતા મહિલાનો પતિ બાઈક પરથી નીચે પટકાયો હતો
પોલીસે ગુનો નોંધી કાર્યવાહી હાથ ધરી
પૂર્વ પ્રેમીએ ગાડીની ટક્કર મારતા બાઈક પરથી પતિ-પત્ની નીચે પટકાયા બાદ પણ પ્રેમીએ મહિલાના પતિ પર ફરી બે વાર કાર ચઢાવી હતી. જો કે, આ ઘટનામાં મહિલાના પતિનું મોત થતા ફરિયાદ નોંધાઈ છે તેમજ શામળાજી પોલીસે ગુનો નોંધી આગળની કાર્યવાહી હાથ ધરી છે.