ગુજરાત વિધાનસભાની ચૂંટણી પૂર્વે તમામ રાજકીય પક્ષોમાં કંઇક ને કંઇક નવાજૂની થતી રહે છે. ત્યારે યુથ કોંગ્રેસના હોદ્દેદારોએ ટિકિટ માંગતા 3 બેઠકો પર ખેંચતાણ થવાની શક્યતા.
ધંધુકા, છોટાઉદેપુર, પાલનપુર બેઠક ઉપર ખેંચતાણ થવાની સંભાવના
3 સિટિંગ ધારાસભ્યો સામે યુથ કોંગ્રેસના હોદ્દેદારોએ ટિકિટ માંગી
ગુજરાત યુથ કોંગ્રેસના પ્રમુખ સહિતના હોદ્દેદારોએ ટિકિટ માંગી
રાજ્યની ધંધુકા, છોટાઉદેપુર અને પાલનપુર એમ 3 બેઠકો પર ખેંચતાણ થવાની સંભાવના છે કારણ કે 3 સિટિંગ ધારાસભ્યો સામે યુથ કોંગ્રેસના હોદ્દેદારોએ ટિકિટ માંગી છે. ગુજરાત યુથ કોંગ્રેસના પ્રમુખ સહિતના હોદ્દેદારોએ ટિકિટ માંગી છે.
ગુજરાતની ધંધુકા, છોટાઉદેપુર અને પાલનપુર બેઠક ઉપર ખેંચતાણ થવાની સંભાવના, 3 સિટિંગ ધારાસભ્યો સામે ગુજરાત યુથ કોંગ્રેસના પ્રમુખ સહિતના હોદ્દેદારોએ માંગી ટિકિટ#gujaratelection2022#Congress
ગુજરાત યુથ કોંગ્રેસના પ્રમુખ હરપાલસિંહ ચુડાસમા, યુથ કોંગ્રેસના ઉપપ્રમુખ સંગ્રામ રાઠવા, યુથ કોંગ્રેસના મહામંત્રી અંકિતાબેન ઠાકોર, યુથ કોંગ્રેસના બનાસકાંઠાના ઉપપ્રમુખ સંજય ચૌધરી, યુથ કોંગ્રેસના મહામંત્રી ઉપેન્દ્રસિંહ જાડેજા, યુથ કોંગ્રેસના પંચમહાલ જિલ્લાના પ્રમુખ મિકી જોસેફ, યુથ કોંગ્રેસના મહામંત્રી રાહુલ પરમાર અને યુથ કોંગ્રેસના મહામંત્રી ઈરફાન શેખે ટિકિટની માંગ કરી છે.
તમને જણાવી દઇએ કે, ગુજરાત યુથ કોંગ્રેસના પ્રમુખ હરપાલસિંહ ચુડાસમાએ ધંધુકા બેઠક પર દાવેદારી નોંધાવી છે. મહત્વનું છે કે, હરપાલસિંહ ચુડાસમા અમદાવાદ જિલ્લા પંચાયતના સદસ્ય પણ છે. ગુજરાત યુથ કોંગ્રેસના ઉપપ્રમુખ સંગ્રામ રાઠવા કે જેઓએ છોટા ઉદેપુર બેઠક પર દાવેદારી નોંધાવી છે. સંગ્રામ રાઠવા કે જેઓ છોટા ઉદેપુર નગરપાલિકાના પ્રમુખ પણ છે. આ સિવાય યુથ કોંગ્રેસના મહામંત્રી અંકિતાબેન ઠાકોરે બનાસકાંઠાની પાલનપુર બેઠક પરથી દાવેદારી નોંધાવી છે. અંકિતાબેન ઠાકોર કે જેઓ પાલનપુર નગરપાલિકાના સદસ્ય છે.
યુથ કોંગ્રેસના બનાસકાંઠાના ઉપપ્રમુખ સંજય ચૌધરી કે જેઓએ પાલનપુર બેઠક પર દાવેદારી નોંધાવી છે. સંજય ચૌધરી તાલુકા પંચાયતના કારોબારી ચેરમેન પણ છે. ગુજરાત યુથ કોંગ્રેસના મહામંત્રી ઉપેન્દ્રસિંહ જાડેજાએ કચ્છની માંડવી બેઠક પરથી દાવેદારી નોંધાવી છે. યુથ કોંગ્રેસના પંચમહાલ જિલ્લાના પ્રમુખ મિકી જોસેફે ગોધરા બેઠક પરથી દાવેદારી નોંધાવી છે. યુથ કોંગ્રેસના મહામંત્રી રાહુલ પરમારે અમદાવાદની અસારવા બેઠક પર દાવેદારી નોંધાવી છે. યુથ કોંગ્રેસના મહામંત્રી ઈરફાન શેખે સુરતની લિંબાયત બેઠક પરથી દાવેદારી નોંધાવી છે.