ક્રાઈમ / આજે જૂની અદાવતમાં હુમલાની બે ઘટનાઓ, યુવક પર હથિયારો સાથે તૂટી પડ્યા, પોલીસનો ડર ગાયબ?

• ગોંડલમાં જૂની અદાવતમાં યુવક પર હુમલો
• યુવક પર 4 શખ્સોએ જીવલેણ હુમલો કર્યો
• ઈડરના માઢવા પાસે યુવક ઉપર જીવલેણ હુમલો
• સામાજિક કારણોથી હુમલો થયાની ચર્ચા

વર્તમાનમાં આપણે જોઈએ છીએ દિવસેને દિવસે ક્રાઇમની ઘટનાઓ વધતી જાય છે, જેના પરથી માની શકાય છે માણસના માનસ પટ પર કંઈક અવગુણની અસર હાવી થતી હોય તેમ તે આક્રમક બનતો જાય છે અને ગુનાહિત પ્રવૃત્તિ સાથે સંકળાઈ જાય છે. વર્તમાનમાં નજીવી બાબતે એક વ્યક્તિને બીજા માણસ પર હુમલો કરવો તે તો જાણે સામાન્ય બની ગયો હોય તેમ અનેક ઘટનાઓ સામે આવતી હોય છે, આજે ગોંડલ અને ઈડરમાંથી હુમલાની ઘટના સામે આવી છે.

ગોંડલમાં યુવક પર હુમલો
ગોંડલના જેલચોક પાસે જૂની અદાવતમાં યુવક પર હુમલો થયાની ઘટના સામે આવી છે,  જૂની અદાવતમાં યુવક પર 4 શખ્સોએ જીવલેણ હુમલો કર્યો હતો. શખ્સોએ સમાધાન માટે બોલાવી યુવક પર હથિયારો સાથે તૂટી પડ્યા હતાં. હુમલામાં ઈજાગ્રસ્ત યુવકને સારવાર માટે હોસ્પિટલ ખસેડાયો હતો. હુમલાની ઘટનાના CCTV ફુટેજ સામે આવ્યા છે. પોલીસે ઘટનાની ફરિયાદ નોંધીને વધુ કાર્યવાહી હાથધરી છે.

ઈડરના માઢવા પાસે યુવક ઉપર હુમલો
ઈડરના માઢવા પાસે યુવક ઉપર જીવલેણ હુમલો થયો છે.  સામાજિક કારણોથી હુમલો થયાની ચર્ચા ચાલી રહી છે. ઈરીગેશનના કામકાજ માટે યુવકને બોલાવ્યા બાદ તેના પર હુમલો કરવામાં આવ્યો હતો.  યુવકને ગંભીર ઈજાઓ પહોંચી છે. સમગ્ર મામલે સ્થાનિક પોલીસે તપાસ હાથ ધરી છે.