વડોદરામાં લવ જેહાદનો કિસ્સો સામે આવ્યો છે. માંજલપુરમાં વિધર્મી યુવકે સગીરાને પ્રેમજાળમાં ફસાવીને દુષ્કર્મ આચર્યુ હોવાની ફરિયાદ સગીરાના માતા દ્વારા કરવામાં આવી છે.
સગીરાની માતાનો આક્ષેપ છે કે, આરોપીએ સગીરાનો અશ્લિલ વિડીયો બનાવીને વાયરલ કરવાની ધમકી આપી આપી હતી. આરોપીએ જુદી જુદી જગ્યાએ લઈ જઈને દુષ્કર્મ ગુજાર્યું હતું. એટલુ જ નહીં આ માથાભારે શખ્સ તૌસિફે સગીરાને નમાઝ પઢવા પણ મજબૂર કરી હતી.
જોકે હાલ આ તૌસિફ ઈમરાન ખાનની માંજલપુર પોલીસે ધરપકડ કરી છે. સમગ્ર ઘટનાની વાત કરીએ માંજલપુરની સ્કુલમાં અભ્યાસ કરતી વિદ્યાર્થિનીને મળવા માટે તૌસિફ ઈમરાન ખાન સ્કુલે જતો હતો. સગીરાને લગ્ન કરાવવાની લાલચ આપીને પ્રેમજાળમાં ફસાવી હતી.
બાદમાં તે તેને અલગ અલગ જગ્યાએ લઈ જતો હતો. તેણે દુષ્કર્મ આચરીને બિભસ્ત વિડિયો ઉતાર્યો હતો. આરોપીએ આ વિડીયોને સોશિયલ મીડિયા પર અપલોડ પણ કર્યા હતા. સગીરાની માતાનો આક્ષેપ છે કે, આરોપીએ સગીરાનું એ હદે બ્રેનવોશ કર્યું કે, સગીરા ઘરે રોઝા રાખવા લાગી અને નમાઝ પઢવા લાગી.
આ મામલે પોલીસે જણાવ્યું કે, આ આરોપી છેલ્લા ઘણા સમયથી યુવતીને હેરાન કરો હતો, સ્કૂલે પાછળ જતો હતો. તૌસિફે પ્રેમજાળમાં ફસાવીને યુવતી સાથે શારીરિક અડપલા કર્યા હતા. આરોપી ગુનાહિત ઇતિહાસ ધરાવે છે. અગાઉ પણ તેના પર ગુના નોંધાયેલા છે. હાલ પ્રાથમિક તપાસમાં વધુ માહિતી બહાર નથી આવી. તેના ફોટોગ્રાફ્સ પણ સોશિયલ મીડિયા પર અપલોડ કર્યા હતા.