દાદાગીરી / "માસ્ક અમારી મરજીથી પહેરીશું તમારાથી જે થાય તે કરી લો" પોલીસ સામે યુવાનોની આડોડાઈ

• ફરજિયાત માસ્કનું નથી કરાતુ પાલન
• પોલીસને યુવાનો આપી રહ્યા છે ખરાબ જવાબ
• માસ્ક નહીં પહેરીએ એવું કહી પોલીસને હેરાન કરે છે 

ઝુંડાલ સર્કલ પર ફરજ બજાવતા પોલીસ ચેકિંગમાં ઊભા હતા. તે દરમિયાન એક કારમાં અવનીશ તિવારી અને ધ્રુવ તિવારી નામના યુવક માસ્ક પહેર્યા વગર નીકળ્યા હતા. ત્યારે પોલીસે એ યુવકોને રોકીને માસ્ક ન પહેરવા બદલ દંડ ભરવા માટે કહ્યું હતું.

જેથી પોલીસ કર્મચારી પર બંને યુવાન એકદમ ઉશ્કેરાઈ ગયા હતા અને યુવકોએ પોલીસ કર્મચારીને કહ્યું  કે ઘણા લોકો માસ્ક પહેર્યા વગર ફરે છે પહેલાં તેઓને માસ્ક પહેરતાં કરો પછી અમારી પાસે દંડ વસૂલ કરો. અમે માસ્ક નહિ પહેરીએ તમારાથી થાય તે કરી લો. અમારે માસ્ક પહેરવો હોય તો અમે અમારી મરજીથી પહેરીશું. આમ કહીને પોલીસ સાથે ઝઘડો કરવા લાગ્યા હતા.