તક / શાહરૂખ ખાનના ઘરે રહેવા જવાની ઈચ્છા તમારી થઈ શકે છે પૂરી, કરવું પડશે આ સરળ કામ

• શાહરુખના ઘરે રોકાવાની અદભૂત તક
• ગૌરીના ઘરે રોકાવાની મન્નત થશે પૂરી
• વેલેન્ટાઇન્સ ડેના દિવસે થશે આ સ્વપ્ન પૂર્ણ

એક ન્યુઝ રિપોર્ટ પ્રમાણે શાહરુખ-ગૌરીએ એક સંસ્થા સાથે હાથ મિલાવતા એક કોન્ટેસ્ટનું આયોજન કર્યુ છે. ફેન્સને 30 નવેમ્બર સુધી માત્ર એક પ્રશ્નનો જવાબ આપવાનો છે. જેમાં ઓપન આર્મ વેલકમ તમારા માટે શું મહત્વ રાખે છે. સૌથી વધારે ક્રિએટીવ જવાબ આપનારને શાહરૂખના સાઉથ દિલ્હીના આલીશાન ઘરમાં 13 અને 14 ફેબ્રુઆરીએ રોકાવાની તક મળશે. 

દિલ્હીના આ ઘરનું ઇન્ટીરીયર ગૌરી ખાને પોતે જ ડિઝાઇન કર્યુ છે. તેમણે જણાવ્યું કે આ ઘર શાહરુખ અને ગૌરીના અત્યાર સુધીના સફરની કહાણી કહે છે. પ્રેમ અને પરિવારના આગળ વધવાની સાથે સાથે 30 વર્ષોની વાર્તા આ ઘર કહે છે. આ દરેક પળોને ગૌરીએ એક દિવાલ પર ઉતાર્યુ છે. જો તમે શાહરૂખના ફેન છો તો આ મોકો ચૂકશો નહી. 

શાહરુખ ખાન 1984માં પહેલી વાર ગૌરીને મળ્યા હતા અને બાદમાં કોઇ ને કોઇ બહાને તેમને મળતા રહ્યાં. શાહરુખે ગૌરીનો ફોન નંબર લીધો અને તેમને ફોન કરવા માટે તે છોકરીના અવાજમાં ફોન કરતા હતા.