ટેક્નોલોજી / તમારો સ્માર્ટફોન જ કરે છે તમારી જાસૂસી, બચવા માટે ફટાફટ ચેન્જ કરો આ સેટિંગ

શું તમે જાણો છો કે, આપણે જે વિષય વિશે વાતચીત કરીએ છીએ તેના સંબંધિત કન્ટેન્ટ આપણા ફોનમાં કેમ આવી જાય છે? એના માટે તમારા સ્માર્ટફોનનું માઇક્રોફોન જવાબદાર હોય છે. તમારા ફોનની લગભગ દરેક એપ્લિકેશન પાસે તમારા માઇક્રોફોનનું એક્સેસ હોય છે. જેના મારફતે તેઓ તમારી વાતચીત સાંભળે છે. આનાથી બચવા તમારે અમુક સેટિંગ ચેન્જ કરી શકો છો.

• આ રીતે કરો સેટિંગ
  માઇક્રોફોન મારફતે તમારી એક્સેસ કોઈ સુધી ન પહોંચે તે માટે તમારા ફોનના સેટિંગમાં જવું. અહીંયા સિક્યોરિટી એન્ડ પ્રાઈવેસી ઓપ્શનમાં જવું. નીચે સ્ક્રોલ કરવાથી પ્રાઈવેસી ઓપ્શન આવશે તેની પર ક્લિક કરવું. તેમાં પરમિશન મેનેજરમાં જવું. અહીંયા તે દરેક એપ્લિકેશન મળી રહેશે જેની પાસે તમારા માઇક્રોફોનનું એક્સેસ હશે.

અહીંયા તમે તમારી જરૂરિયાત મુજબ એક એક કરીને એપ્લિકેશન પર ક્લિક કરીને સેટિંગ ચેન્જ કરી શકો છો. જેમ કે તમે ટ્વીટર X પર ક્લિક કરો છો તો તેનું માઇક્રોફોન ડિસએબલ થઈ જશે. ત્યાર બાદ ત્રણ ઓપ્શન મળશે. જેમાં આસ્ક એવરી ટાઇમ પર ક્લિક કરો. તેનાથી જ્યારે પણ માઇક્રોફોનનું એક્સેસ લેશે ત્યારે તમને પૂછશે.

આ સેટિંગ કરવાથી તમારી એપ્લિકેશન જેમ ચાલતી હશે તેમ જ ચાલશે. તમારી સર્વિસ પર કોઈ અસર નહીં પડે. જ્યારે પણ તે એપ્લિકેશનને માઇક્રોફોનની જરૂર પડશે ત્યારે તમારી પરમિશન માંગશે. તમે હા પાડશો તો જ તે તમારી વાત સાંભળી શકશે.