હવે પોસ્ટમેન અને ગ્રામીણ ડાક સેવક પણ લોકોને વીમા પોલિસી વેચતા નજરે પડશે. ઇન્સ્યોરન્સ રેગ્યુલેટર ઇરડાએ ટપાલ વિભાગના પોસ્ટમેન અને ગ્રામીણ ડાક સેવકને પોઇન્ટ ઓફ સેલ્સ પર્સન (ઇન્સ્યોરન્સ વિક્રેતા) તરીકે નિયુક્ત કરવા ગાઇડલાઇન્સ ઇશ્યૂ કરી છે.
પોસ્ટમેન પણ કરી શકશે ઈન્શ્યોરન્સ પોલિસીનું વેચાણ
ઈન્શ્યોરન્સની સુવિધા વધારે લોકો સુધી પહોંચશે
તમામ નિમણૂંક ઈન્ડિયા પોસ્ટ પેમેન્ટ બેન્ક કરશે
આ નિમણૂક ઇન્ડિયા પોસ્ટ પેમેન્ટ બેન્ક દ્વારા કરવામાં આવશે. હવે પોસ્ટમેન અને ગ્રામીણ ડાક સેવક અંતરિયાળ વિસ્તારો અને ગ્રામીણ વિસ્તારોમાં વીમા પોલિસીઓનું વેચાણ કરશે. તેનાથી નાણાકીય સમાવેશન વધશે અને દેશમાં ઇન્સ્યોરન્સની સુવિધા વધુ લોકો સુધી પહોંચશે.
પોસ્ટમેનને વીમાને લગતી સેવાઓ માટે ટ્રેનિંગ પણ અપાશે
ઓથોરિટી પાસેથી મંજૂરી મળ્યા બાદ પોસ્ટમેન અને ગ્રામીણ ડાક સેવકની નિમણૂકને લઇ જવાબદારી ઇન્ડિયા પોસ્ટ પેમેન્ટ બેન્કની રહેશે. પોસ્ટલ વિભાગ પોસ્ટમેન અને ગ્રામીણ ડાક સેવકની યાદી ઓથોરિટીને વખતોવખત આપતો રહેશે. આ ઉપરાંત ઇરડાએ જણાવ્યું છે કે ઇન્ડિયા પોસ્ટ પેમેન્ટ બેન્ક પોઇન્ટ ઓફ સેલ્સ પર્સન તરીકે પોસ્ટમેનને વીમાને લગતી સેવાઓ માટે ટ્રેનિંગ પણ આપશે.
ફરિયાદના સમાધાનને માટે બનશે વ્યવસ્થા
આ સિવાય કેવાઈસીના નિયમોના પાલનની વ્યવસ્થા કરાશે. આ સિવાય આઈપીપીબીના ગ્રાહકોની તકલીફના સમાધાનને માટે એક વ્યવસ્થા તૈયાર કરાશે. એક ઈન્શ્યોરન્સ પોલીસી વેચનારા પોસ્ટમેન અને ગ્રામીણ સેવકની ઓળખને માટે પણ આઈપીપીબી વ્યવસ્થા કરશે.