કેન્દ્ર સરકાર તરફથી નાણાકીય વર્ષ 2019-20 માટે પીએફ ખાતાધારકોના ખાતામાં વ્યાજના નાણા ટ્રાન્સફર કરવાની પ્રક્રિયા શરૂ થઈ ગઈ છે. તમે પણ આ રીતે ચેક કરી લો કે તમારા ખાતામાં પૈસા આવ્યા કે નહીં.
પીએફ ખાતાધારકોના ખાતામાં વ્યાજ ટ્રાન્સફર કરવાની પ્રક્રિયા શરૂ થઈ ગઈ છે
તમે પણ આ રીતે ચેક કરી લો કે તમારા ખાતામાં પૈસા આવ્યા કે નહીં
ખાતાધારકોના કેવાયસીમાં ગડબડ હશે તો નહીં જમા થાય પૈસા
લાખો ખાતાધારકોને વ્યાજની રકમ મળવા પણ લાગી છે. જ્યારે 40 લાખ ખાતાધારકોના ખાતામાં હજુ સુધી વ્યાજ જમા નથી થયું. શું તમારા પીએફ ખાતામાં પણ હજી સુધી વ્યાજની રકમ ટ્રાન્સફર નથી થઈ. જો એવું છે તો તમે ફટાફટ પોતાની કેવાયસી વિગતોને અપડેટ કરી લો. મળતી જાણકારી મુજબ, આ તમામ ખાતાધારકોના કેવાયસીમાં ગડબડ છે, જેના કારણે આવું થયું છે.
આવી રીતે અપડેટ કરો KYC
UANમાં KYC કરાવવા માટે તમારે ક્યાંય જવાની જરૂર નથી, પરંતુ UAN પોર્ટલથી જ તમે આકરી શકો છો. સૌથી પહેલાં પોર્ટલ પર જાઓ અને અહીં KYCનું ઓપ્શન ક્લિક કરો. હવે તમારી સામે જે વિન્ડો ખુલે છે, તેમાં ઘણાં બધાં ઓપ્શન જોવા મળી રહ્યાં હશે. અહીં PAN, આધાર, મોબાઇલ નંબર, બેન્ક એકાઉન્ટવાળા સેક્શન પર એક-એક કરીને ક્લિક કરો. તેમાં તમારી જાણકારી ભરી દો અને સબમિટ કરી દો. હવે તમારો PAN અને આધાર તેમાં જોડાઈ તો જશે પરંતુ તેને વેરિફાય કરવા માટે તમારે પોતાના એમ્પ્લોયરને કહેવું પડશે. એમ્પ્લોયર દ્વારા વેરિફાય કરતાં જ તમે ઓનલાઇન સુવિધાનો લાભ લઈ શકશો.
યુએએન સાથે જોડાયેલા કેવાયસીમાં આધાર નંબર, બેન્ક એકાઉન્ટ નંબર, PAN અને અંશધારકનો મોબાઇલ નંબર જરૂરી હોય છે. જયારે ગ્રાહક પોતાનું કેવાયસી યૂએએનની સાથે જોડી લે છે તો તે પોતાના મોબાઇલ નંબરથી પીએફ એકાઉન્ટ સંબંધિત જાણકારી વાસ્તવિક સમયમાં પ્રાપ્ત કરી શકે છે.
કેવાયસી કરાવવાના ફાયદા શું છે?
જે એકાઉન્ટ્સ કેવાયસીની પ્રક્રિયા પૂર્ણ થઈ ગઈ હોય છે, તેમને પૈસા ટ્રાન્સફર અથવા ઉપાડવામાં ક્યારેય મુશ્કેલીનો સામનો કરવો પડતો નથી.
જો તમારા પીએફ ખાતામાં બેંક ખાતાની માહિતી અપડેટ કરવામાં આવી નથી, તો ક્લેમ રિક્વેસ્ટ રિજેક્ટ પણ થઈ શકે છે.
જો તમે કેવાયસી દસ્તાવેજો સબમિટ કર્યા નથી, તો તમને ઇપીએફ સભ્યને કોઈ એસએમએસ એલર્ટ પ્રાપ્ત થશે નહીં.
તમે ઇપીએફઓ યુએન પોર્ટલ https://unifiedportal-mem.epfindia.gov.in/memberinterface/ પર જઈને તમારા કેવાયસીને અપડેટ કરી શકો છો.
આવી રીતે ચેક કરો ખાતાનું બેલેન્સ
કર્મચારી EPFO પોર્ટલના માધ્યમથી પણ આપના ખાતાનું બેલેન્સ ચેક કરી શકો છો. તેના માટે વેબસાઇટ પર લોગ-ઇન કરવું પડશે. આ ઉપરાંત epfindia.gov.in પર ઇ-પાસબુક માટે ક્લિક કરો. ત્યારબાદ એક નવું પેજ ઓપન થશે. અહીં આપને યૂઝર નામ (UAN નંબર), પાસવૃડ અને કેપ્ચા ફિલ કરવાનું રહેશે. ત્યારબાદ નવું પેજ ઓપન થશે જ્યાં તમામ વિગતો આવી જશે. હવજે અહીં આપને મેમ્બર આઇડીનું સિલેક્શન કરવાનું છે. ત્યારબાદ બેલેન્સ આવી જશે.