90ના દાયકામાં કોઇ પણ બાળકને તમે પૂછો કે તેનું ફેવરિટ કાર્ટુન ક્યુ છે તો બધાનો એક જ જવાબ હતો ટોમ એન્ડ જેરી. કોઇ પણ પ્રકારના ડાયલોગ વગર માત્ર મ્યૂઝિક અને એનિમેશનના કારણે આ કાર્ટુને બધાના હ્રદયમાં એક અલગ જ જગ્યા બનાવી હતી.
કેટલાક વર્ષોથી આ શૉ બંધ થઇ ગયો હતો અને વર્ષો બાદ ટોમ એન્ડ જેરી પાછા આવી રહ્યા છે પણ તેમાં એક મજેદાર ટ્વિસ્ટ છે.
ટોમ એન્ડ જેરી પર બની ફિલ્મ
હવે ટોમ એન્ડ જેરી નાના પરદા પર નહી મોટા પરદા પર દેખાશે. આ ફેમસ કાર્ટુન પર એક ફિલ્મ બની છે. સોશ્યલ મિડીયા પર ટોમ એન્ડ જેરીનું ટ્રેલર વાયરલ થઇ ચૂક્યુ છે. ટ્રેલરમાં ટોમ અને જેરીને અસલ દુનિયામાં જગ્યા મળી ગઇ છે. માણસો વચ્ચે ટોમ અને જેરી કેવી રીતે એડજસ્ટ કરે છે, કેવી રીતે બંને મસ્તી કરે છે તે બધુ દર્શાવવામાં આવશે.
આ સંપૂર્ણ ફિલ્મનું શૂટિંગ ન્યૂયોર્કમાં કરવામાં આવ્યું છે. ફિલ્મની વાર્તા એક લગ્નનો બેકડ્રોપ રાખવામાં આવ્યો છે. જેમાં ટોમ અને જેરી મસ્તી કરે છે. ટોમ એન્ડ જેરી મસ્તી કરે તેમાં દરેક વ્યક્તિને મજા આવી જાય છે.
ટ્રેલર જોઇને ફેન્સ થયા ઇમોશનલ
ટોમ એન્ડ જેરીનું ટ્રેલર આવ્યા બાદ ફેન્સ ઇમોશનલ થઇ ગયા છે. લાંબા સમય બાદ પોતાના ફેવરિટ કાર્ટુનને આ રીતે જોઇને લોકો ઘણા જ ખુશ નજર આવી રહ્યાં છે.
એક યુઝરે લખ્યું કે, ટોમ એન્ડ જેરીનો મતલબ જ સ્લેપસ્ટીક કોમેડી થાય છે પરંતુ અહીંયા તો તે જ ગાયબ છે. બીજા એક યુઝરે લખ્યું કે, આ ખોટી વાત છે તમે અસલી શૉની ક્વોલિટી ખરાબ કરી રહ્યાં છો. તો જે લોકોએ આ ટ્રેલરને જોયુ છે તે પસંદ કરી રહ્યાં છે અને પોતાની પ્રતિક્રિયા આપી રહ્યાં છે. અલગ અલગ પ્રકારના મિમ્સ બનાવીને પોતાની ખુશી દર્શાવી રહ્યાં છે.