પેટ્રોલ-ડીઝલ બાદ રિઝર્વ બેંક આપવા જઇ રહી છે હવે મોટો ઝટકો

પેટ્રોલ-ડીઝલની વધતી કિંમતોની વચ્ચે તમને આવતા મહિને એક મોટો ઝટકો મળવાનો છે. આ વખત ઝટકો રિઝર્વ બેંક ઓફ ઇન્ડિયા તરફથી મળશે.આર્થિક બાબતોના એક્સપર્ટ અનુસાર RBI રેપો રેટમાં વધારો કરી શકે છે જેનાથી તમારી લોનની EMI ખૂબ વધી જશે. 

4 જૂનથી શરૂ થશે બેઠક 
RBIની મોનિટરી પોલિસી કમિટી બેઠક આવતા મહિને 4 જૂનથી શરૂ થશે. ત્રણ દિવસ ચાલનારી આ બેઠક 6 જૂને સમાપ્ત થશે. આ દિવસે કમિટી નવા રેપોરેટની જાહેરાત કરશે. આ કમિટીમાં આરબીઆઇના ગવર્નર ઉર્જિત પટેલ સહિત છ લોકો છે. 

25 બેસિસ પોઇન્ટનો થઇ શકે છે વધારો 
કાચા તેલ અને મોંઘવારી દર વધવાને કારણે આરબીઆઇ રેપો રેટમાં 25 બેસિસ પોઇન્ટનો વધારો કરી શકે છે. જો આરબીઆઇ રેપો રેટમાં ફેરફાર કરતો પણ નથી તો પણ બેંક પોતાની તરફથી વ્યાજ દરોમાં વધારો થઇ શકે છે. એનાથી લોકોને વધારે વ્યાજ આપવું પડશે. 

હોમ લોન કાર લોન પર્સનલ લોન એજ્યુકેશન લોન ટૂ વ્હીલર લોન સહિત અન્ય દરેક પ્રકારની લોનની EMI વધી જશે. જો ઓગસ્ટમાં પણ આ સ્થિતિ રહી તો ફરીથી આરબીઆઇ વ્યાજદરોમાં 50 બેસિસ પોઇન્ટનો વધારો કરી દેશે. જેનાથી લોકોના ખિસ્સા પર ખૂબ જ અસર પડે એવી શક્યતા છે.