કાર્યવાહી / ટાઈમસર GST રિટર્ન ફાઈલ ન કરનારા વેપારીઓ ચેતી જજો, સરકાર કરવા જઈ રહી છે આ કામ

•  જીએસટી રિટર્ન ફાઈલ નહીં કરનારના ખાતા ટાંચમાં લેવાશે 
•  રજિસ્ટ્રેશન પણ થઇ શકે રદ્દ 

તેમાં જણાવાયું છે કે જીએસટી કાયદા અનુસાર રજિસ્ટર્ડ વ્યક્તિ કે વેપારીએ માસિક (સામાન્ય સપ્લાયર) અથવા ત્રિમાસિક (કોમ્પોઝિશન સ્કીમ પસંદ કરનાર સપ્લાયર) દાખલ કરવું ફરજિયાત છે, જ્યારે ઇનપુટ સર્વિસ ડિસ્ટ્રિબ્યૂટરે જે તે મહિનામાં આપવામાં આવેલ ક્રેડિટ દર્શાવતું માસિક રિટર્ન ફાઇલ કરવું ફરજિયાત છે.

એ જ રીતે જેમણે કર કપાત (TDS) કરવાની હોય છે એવી વ્યક્તિ કે જેમણે ટેક્સ એકત્ર કરવાનો હોય છે (ટીસીએસ એટલે કે ટેક્સ કલેક્ટેડ એટ સોર્સ) એવી વ્યક્તિઓએ કપાત કરેલ/એકત્ર કરેલ ટેક્સની રકમ અને અન્યન નિર્દિષ્ટ વિગતો દર્શાવતું માસિક રિટર્ન ફાઇલ કરવું પડે છે, જ્યારે બિનનિવાસી કરપાત્ર વ્યક્તિએ પણ પ્રવૃત્તિના સમયગાળા માટે રિટર્ન ફાઇલ કરવું પડે છે.

20 ટકા કરદાતા રિટર્ન ફાઇલ કરતા નથી

એક અંદાજ અનુસાર 20 ટકા કરદાતા રિટર્ન ફાઇલ કરતા નથી, જેના કારણે જીએસટીની વસૂલાત પ્રભાવિત થાય છે. તેથી સેન્ટ્રલ બોર્ડ ઓફ ઇનડાયરેક્ટ ટેક્સિસ એન્ડ કસ્ટમ્સ દ્વારા સ્ટાન્ડર્ડ ઓપરેટિંગ પ્રોસિજર ઈશ્યૂ કરવામાં આવી છે.

ભંગ કરનાર સામે કડક કાર્યવાહી કરાશે 

તેનો ભંગ કરનાર સામે કડક કાર્યવાહી કરવામાં આવશે. જો સીજીએસટી એક્ટની કલમ-૨૯ હેઠળ નિયત સમય મર્યાદામાં રિટર્ન ફાઇલ નહીં કરાય તો રજિસ્ટ્રેશન રદ કરવાની પ્રક્રિયા પણ હાથ ધરાશે. આ ઉપરાંત જીએસટી કાઉન્સિલ કરદાતાઓની સમસ્યાનું નિવારણ કરવા માટે ગ્રિવેન્સ રિડ્રેસલ મિકેનિઝમની પણ રચના કરનાર છે.