આમ તો એવું કહેવાય છે કે ઠંડીની સીઝન હેલ્થ બનાવવા માટે હોય છે કેમકે આ સમયે ડાઇજેશન સિસ્ટમ સંપુર્ણ રીતે કામ કરે છે. દરેક વ્યક્તિ હેવી ડાયેટ લેવાનું પસંદ કરે છે. ડ્રાયફ્રુટ અને નટ્સ આપણા મેનુમાં સામેલ થઇ જાય છે. હેવી ડાયેટની સાથે સાથે એ પણ શરત છે કે ખુબ જ કસરત કરવામાં આવે. ફેબ્રુઆરી મહિનામાં ઠંડી ઘટવાની શરુઆત થતી હોય છે. બપોરના સમયે તમને થોડી ગરમીનો અનુભવ પણ થાય છે. હવે થોડુ હેવી ડાયેટ લેવાનુ ઓછુ કરવું જરુરી છે.
હેલ્થ કોન્શિયસ યુવાનો માટે આ સમય પડકારો ભરેલો છે. આપણે એવું ભોજન કરીએ છીએ જેની અસર આપણા તન મન બંને પર પડે છે. સીઝન બદલાય એટલે આપણે આપણા શરીરને ફીટ રાખવા માટે ભોજનમાં કેટલાક ફેરફાર કરવા પડે છે.
ઠંડીની સીઝનમાં વ્યાયામ કરીને આપણે ઉર્જાવાન રહેવું પડે છે. સાથે સાથે એવો આહાર લેવાનો હોય છે જેની ઓછી માત્રા પણ આપણા શરીરને એનર્જી આપે છે. આ સીઝન માટે જરુરી ડાયેટ ચાર્ટ જાણો. જે તમારા વજનને નિયંત્રિત રાખશે અને તમને તાકાત પણ આપશે. આ સીઝનમાં તમારા શરીરમાંથી થાક અને આળસને દુર ભગાડવા માટે અને સ્ફુર્તિપુર્ણ રહેવા માટે ડાયેટ ચાર્ટનું પાલન કરવું જોઇએ.
બ્રેકફાસ્ટ
સવારનો નાસ્તો આપણને એનર્જી આપે છે. જો તમે એગ્સ ખાતા હો તો સવારના નાસ્તામાં એગ્સની સાથે બ્રેડ, ઉપમા, સેન્ડવીચ, ઢોસા, હેવી ફ્રુટ કસ્ટર્ડ લઇ શકો છો. રોજ નાસ્તા પછી એક ગ્લાસ ફેટ વગરવા દુધનું સેવન કરો. આ બધા સાથે એક પ્લેટ ફ્રુટ અલગથી લો. તેના બદલે વેજિટેબલ સલાડ પણ ખાઇ શકો છો.
લંચ
બપોરના ભોજનમાં આ સીઝનના ગ્રીન વેજિટેબલ્સ, રોટલી, તાજુ દહીં, છાસ, છાલ વાળી દાળ સાથે ભાત, ગરમા ગરમ સુપ લઇ શકો છો. લંચમા લીલી ચટણી ભોજનમાં મલ્ટીવિટામીન્સની કમીને પુર્ણ કરે છે.
ડિનર
આ સીઝનમાં રાત્રે વહેલા ભોજન કરી લેવું જોઇએ. રાતનું ભોજન બપોરના ભોજનની સરખામણીમાં હળવું હોવું જોઇએ. રાતના ભોજનમાં તમે ખીચડી કે ફાડાની ખીચડી જેવું હળવું ભોજન કરી શકો છો. સુવાના લગભગ ચાર કલાક પહેલા ભોજન કરવાથી શરીરમાં ભોજનનું પાચન સારી રીતે થાય છે. રાતે સુતા પહેલા હળદળ, ખારેક કે આદુ નાંખેલા એક કપ ગરમ દુધનું સેવન અવશ્ય કરવું જોઇએ.