આપઘાત મામલો / વડોદરા સામૂહિક દુષ્કર્મ કેસમાં 11માં દિવસે પણ પોલીસનાં હાથ ખાલી, 35 ટીમો કામે લાગી, એક ટીમ કર્ણાટક રવાના 

• વડોદરામાં સામૂહિક દુષ્કર્મનો મામલો
• 11 દિવસ બાદ પણ કેસ વણઉકેલ્યો
• વડોદરાથી એક ટીમ કર્ણાટક રવાના

વડોદરામાં સામૂહિક દુષ્કર્મનો કોરડો 11 દિવસ બાદ પણ ઉકેલાયો નથી, વલસાડમાં ગુજરાત ક્વીન એક્સપ્રેસના D-12 નંબરના કોચમાં ગળેફાંસો ખાઇ મૂળ નવસારીની અને વડોદરામાં રહેતી 18 વર્ષીય યુવતીએ 4 નવેમ્બરના રોજ આપઘાત કર્યા હતો આજે ઘટાનાના 11 દિવસ પછી પણ બંને નરાધમોને રેલવે પોલીસ ઉપરાંત અમદાવાદ અને વડોદરા ક્રાઇમ બ્રાન્ચ શોધી શકી નથી.પોલીસ રોજ નવા દાવા કરે છે અને તપાસ ચાલુ છે તેવું રટણ કર્યા કરે છે, પણ પોલીસને નરાધમો વિશે કોઇ માહિતી મળી નથી, જો કે પોલીસે બે શંકાસ્પદોની પૂછપરછ હાથ ધરી તપાસનો ધમધમાટ શરૂ કર્યો છે. ત્યારે હવે પોલીસ તપાસમાં નવું નામ નામે આવ્યું છે. પોલીસને કર્ણાટકના ઈમરાન નામના શંકા છે કેમ કે ઈમરાને પીડિતાને કોલ કર્યો હતો જેમાં તેણે 36 સેકેન્ડ વાત કરી હોવાનું પોલીસ તપાસ ખુલ્યું છે વધુ તપામ માટે પોલીસની એક ટીમ વડોદરાથી કર્ણાટક પણ રવાના કરવામાં આવી છે.  

રેલવેના રેન્જ IG સુભાષ ત્રિવેદીનું નિવેદન

વડોદરામાં કામ કરતી યુવતી સાથે દુષ્કર્મ અને આપઘાતનો મામલે રેલવેના રેન્જ IG સુભાષ ત્રિવેદીનું નિવેદન સામે આવ્યું છે,  તેમણે કહ્યું કે કોઈપણ સંજોગોમાં કેસને ઉકેલી લેવાશે શકમંદો, આસપાસની જગ્યાના ઈસમોની પૂછપરછ ચાલી રહી છે, તેમજ થોડા દિવસમાં જ આરોપીને પકડી લેવાશે તેવું તેમણે જણાવ્યું છે. સામૂહિક દુષ્કર્મ કેસમાં અનેક વ્યકિતઓની પૂછપરછ થઈ છે એટલું જ નહીં પોલીસ કમિશનર ખુદ આ કેસ ઉપર નજર રાખી રહ્યા છે, રેલવેના રેન્જ IGએ વધુમાં કહ્યું કે જે તે સમયે જાણ થઈ હોત તો વહેલી કાર્યવાહી થઈ શકી હોત..મહત્વનું છે કે સામૂહિક દુષ્કર્મના મામલે અમદાવાદ ક્રાઇમ બ્રાન્ચની ટીમ દ્વારા તપાસ તેજ કરવામાં આવી છે...યુવતી કામ કરતી હતી તે જગ્યાએ પૂછપરછ શરૂ કરવામાં આવી છે...ઓએસીસના પબ્લિકેશન હાઉસમાં તપાસ કરવામાં આવી રહી છે અને યુવતી સાથે કામ કરતા સહકર્મીઓની પૂછપરછ હાથ ધરવામાં આવી છે.. 

ગુજરાત પોલીસની 35 ટીમો તપાસમાં જોડાઇ

વડોદરામાં યુવતી સાથે દુષ્કર્મ મામલે હવે ગુજરાત પોલીસની 35 ટીમો તપાસમાં જોડાઇ છે.. અત્યાર સુધીમાં પોલીસ દ્વારા 500 CCTVના ફૂટેજ ચેક કરવામાં આવ્યા છે...વડોદરા, સુરત, નવસારી, વલસાડના CCTV પણ ચેક કરવામાં આવ્યા છે. એટલું જ નહીં તેમજ આ કેસમાં પોલીસે કર્ણાટક સુધી તપાસ લંબાવી છે. એક CCTVમાં બે શખ્સો ભાગતા દેખાયા હોવાની ચર્ચા છે તો બેથી વધુ શખ્સો દુષ્કર્મમાં સંડોવાયેલા હોવાની પોલીસને આશંકા સેવાઈ રહી છે જે મામલે રેસકોર્સની એક સંસ્થાના કર્મચારીની પણ પોલીસે પૂછપરછ શરૂ કરી છે FSLએ ઘટનાસ્થળેથી માટીના નમૂના લીધા છે અને વધુ તપાસ હાથ ધરી છે. 

પીડિતાનો આપઘાત પહેલાનો વીડિયો આવ્યો સામે

વડોદરા બહુચર્ચિત સામૂહિક દુષ્કર્મ બાદ આપઘાત કરનાર યુવતીનો અંતિમ વીડિયો સામે આવ્યો છે. વીડિયોમાં લોકોને હિંમત આપનારી દીકરી પોતે જ હિંમત હારી ગઇ હતી અને દુષ્કર્મનો ભોગ બનતા હતાશ થઇ જીવન ટૂંકાવ્યું હતું. પીડિતાનો આપઘાત પહેલા એક વીડિયો સામે આવ્યો છે જેમાં તે લોકોને પ્રોત્સાહિત કરતી જણાઈ રહી છે યુવતી કહે છે કે, મારે જીવનમાં ખૂબ આગળ વધી માતા-પિતાને ગર્વ મહેસૂસ કરાવવું છે. જીવનમાં અનેક તકલીફો આવી પણ મેં હાર માની નથી. જીવનમાં ગમે એટલી તકલીફો આવે મારે જે કરવું છે એ હું કરીને જ રહીશ. મારે જિંદગીમાં દેખાડો કરવો નથી....મારું માઈન્ડ હવે ક્લિયર થઈ ગયું છે, હવે મારે મારા માતા પિતાને પ્રાઉડ ફિલ થાય તેવું કામ કરવું છે. VTV ન્યૂઝ આ વાયરલ વીડિયોની પુષ્ટી કરતું નથી.