ક્રાઇમ / સુરતના મગદલ્લા વિસ્તારમાં વિદેશ યુવતીને જીવતી સળગાવીને હત્યા કરાઇ હોવાની શંકા

• સુરતના મગદલ્લા વિસ્તારમાંથી યુવતીનો સળગેલી હાલતમાં મૃતદેહ મળ્યો
• યુવતી થાઈલેન્ડની હોવાનું સામે આવ્યું
• રાત્રી દરમ્યાન યુવતીની હત્યા થઇ હોવાનું અનુમાન

સુરતના મગદલ્લા વિસ્તારમાં એક મકાનમાં વિદેશી યુવતીનો સળગેલી હાલતમાં મૃતદેહ મળી આવતા ચકચાર મચી છે. રૂમનો દરવાજા પર તાળુ હોવાથી લોકોએ દરવાજો તોડીને પોલીસને જાણ કરી હતી. હાલ પોલીસ ઘટનાસ્થળે પહોંચી હતી અને વધુ તપાસ હાથ ધરી છે. આ મકાનમાં સ્પામાં કામ કરતી યુવતીઓ ભાડે રહે છે અને યુવતીઓની અવરજવર રહે છે. 

થાઇલેન્ડની યુવતી તેની બહેનપણીને મળીને ઘરે કોઇ છોડી ગયું હતું. હાલ આ સ્ટ્રીટ ક્વોરન્ટાઇન છે અને પોલીસે CCTV ફૂટેજના આધારે તપાસ શરૂ કરી છે. બીજી તરફ દરવાજે બહારથી તાળું મારવાની વાત સામે આવતા પોલીસે હત્યાની શંકા વ્યક્ત કરી છે.