કોમનવેલ્થ ગેમ્સમાં ભારતીય ખેલાડીઓ સિતારાઓની જેમ ચમકી રહ્યાં છે. ગેમ્સના ત્રીજા દિવસે ભારતીય ખેલાડીઓનું શાનદાર પ્રદર્શન રહ્યું હતું. કોમનવેલ્થ ગેમ્સમાં ભારતને બીજો ગોલ્ડ મળ્યો છે. શનિવારે મીરાબાઈ ચાનૂ બાદ હવે વેટલિફ્ટિંગમાં યુવા ખેલાડી જેરેમી લાલરિન્નુન્ગાએ ભારતને બીજો ગોલ્ડ અપાવ્યો છે.
મેન્સ 67kg વેટલિફ્ટિંગમાં 300 કિલો વજન ઉંચક્યું
ભારતના સ્ટાર ખેલાડીએ જેરેમીએ કુલ 300 કિલો વજન ઉંચક્યું હતું. સ્નેચમાં 140 કિલો વજન ઉંચક્યું. જેમાં તેણે ગેમ્સનો રેકોર્ડ પણ બનાવ્યો હતો. આ સાથે જ ક્લીન એન્ડ જર્કમાં જેરેમીએ 160 કિગ્રા વજન ઉંચક્યું હતુ. તે ત્રીજા પ્રયાસમાં 165 કિલો વજન ઉંચકવા માંગતો હતો, પરંતુ જેરેમી તે ચૂકી ગયો.
300 કિલો વજન ઉંચકીને રેકોર્ડ સર્જ્યો
જેરેમીએ ફક્ત ગોલ્ડ જ જીત્યો નથી પરંતુ 300 કિલો વજન ઉંચકીને એક રેકોર્ડ પણ સર્જ્યો છે.
કોમવેલ્થ ગેમ્સમાં ભારતને 5મો મેડલ મળ્યો
ઉલ્લખનીય છે કે કોમનવેલ્થ ગેમ્સ શરુ થયાને 3 દિવસ થયા છે અને અત્યાર સુધી ભારતે 5 મેડલ મેળવી લીધા છે.
મીરાબાઈ ચાનૂએ પણ ગોલ્ડ જીત્યો હતો
ઉલ્લેખની છે કે શનિવારની કોમનવેલ્થ ગેમ્સના બીજા દિવસે ભારતીય સ્ટાર વેટલિફ્ટર મીરાબાઈ ચાનૂએ દેશને પહેલો ગોલ્ડ અપાવ્યો હતો ત્યાર બાદ હવે જેરેમીએ દેશને બીજો ગોલ્ડ અપાવ્યો છે.