જ્યારે PAKના દિગ્ગજે ક્રિકેટરે સચિનને પૂછ્યુ 'મમ્મીને પૂછીને ક્રિકેટ રમવા આવ્યો છે?'

દુબઇમાં એશિયા કપ રમાઇ રહ્યો છે. આ પહેલા એક શોમાં પાકિસ્તાનના દિગ્ગજ ક્રિકેટર વસીમ અકરમે માસ્ટર બ્લાસ્ટર સચિન તેંડુલકરને લઇને કેટલાક ખુલાસા કર્યા હતા. વસીમ અકરમે સચિન તેંડુલકરના પ્રથમ પ્રવાસને લઇને રસપ્રદ વાત જણાવી હતી.વસીમ અકરમે જણાવ્યુ  ''જ્યારે સચિને આંતરરાષ્ટ્રીય ક્રિકેટમાં પગ મુક્યો ત્યારે અમે વિચાર્યુ કે આ કોમ નાનું બાળક ક્રિકેટ રમવા આવી ગયું.'' મહત્વપૂર્ણ છે કે સચિન તેંડુલકરે 1989માં પાકિસ્તાન વિરૂદ્ધ આંતરરાષ્ટ્રીય ક્રિકેટમાં ડેબ્યૂ કર્યુ હતું અને પ્રથમ વખત પાકિસ્તાનનો પ્રવાસ કર્યો હતો તેની સામે પાકિસ્તાનના આક્રમક ફાસ્ટ બોલર પડકાર હતા.


1984માં પાકિસ્તાન માટે ડેબ્યૂ કરનારા વસીમ અકરમે કહ્યું કે 1989માં ટીમ ઇન્ડિયાના પાકિસ્તાન પ્રવાસે અમે પણ સાંભળ્યુ હતું કે. 16 વર્ષનું એક બાળક આંતરરાષ્ટ્રીય ક્રિકેટમાં એન્ટ્રી કરી રહ્યું છે જ્યારે અમે તેને જોયો તો લાગ્યુ કે. તે 14 વર્ષનો દેખાઇ રહ્યો છે તો મે તેને કહ્યું કે. ઘરમાં મમ્મીને પૂછીને આવ્યા છો?જોકે એક મહાન બેટ્સમેન તરીકે આજે પણ વસીમ અકરમ સચિનનું સન્માન કરે છે અને તેને સ્વીકાર કર્યો કે સચિન આગળ બોલિંગ કરવી આસાન નહતી. મહત્વપૂર્ણ છે કે સચિને એક ઇન્ટરવ્યૂ દરમિયાન કહ્યું હતું કે 1989માં મે પાકિસ્તાન વિરૂદ્ધ પોતાની કરિયરની પ્રથમ ટેસ્ટ ઇનિંગ બાદ ક્રિકેટ છોડવાનું વિચાર્યુ હતું.


ચિન તેંડુલકરે પ્રથમ ઇનિંગમાં 15 રન બનાવ્યા હતા. સચિને ગત વર્ષે ફેસબુક લાઇવમાં કહ્યું હતું જ્યારે હું પોતાની પ્રથમ ઇનિંગ રમીને ડ્રેસિંગ રૂમમાં પહોચ્યો ત્યારે મને લાગ્યુ કે રોન્ગ પ્લેસ પર હું રોન્ગ સમયમાં આવી ગયો. ઘણુ મુશ્કેલ હતું બાથરૂમમાં જઇને રડવા લાગ્યો હતો પછી ત્યા સીનિયર પ્લેયર્સ હતા તેમને મને સમજાવ્યો મને પ્રોત્સાહિત કર્યો અને જણાવ્યુ કે તમારે શું કરવુ જોઇએ પછઈ મને આગળની મેચમાં કોન્ફિડન્સ આવી ગયો હતો.

સચિને જણાવ્યુ પાકિસ્તાન ગયા પહેલા તેને કોઇ જાણકારી નહતી તેને ખબર નહતી કે ત્યા કઇ રીતે મેચ રમવાની છે. સચિને કહ્યું સિલેક્શન પહેલા મે ઇરાની ટ્રોફીમાં 100 રન બનાવ્યા તે બાદ ભારતીય ટીમમાં સિલેક્ટ થઇ ગયો. પાકિસ્તાનમાં કેવો બોલિંગ એટેક હશે તેના વિશે મને ખબર નહતી. તે સમયે પાકિસ્તાન પાસે ઇમરાન ખાન વકાર યૂનુસ અને વસીમ અકરમ જેવા ઘાતક બોલર હતા.

સચિન તેંડુલકરે જણાવ્યું પ્રથમ ઇનિંગમાં મુશ્કેલથી 15 રન બનાવ્યા હતા તે બાદ મે પોતાની કરિયરી બીજી ઇનિંગમાં ફિફ્ટી ફટકારી હતી. આ દરમિયાન મને ખબર પડી કે આ હું કરી શકુ છું. જ્યારે બીજી ઇનિંગમાં રમવા ઉતર્યો ત્યારે નક્કી કર્યુ કે મારે સ્કોરબોર્ડ નથી જોવુ હું માત્ર ઘડિયાળ તરફ જોઇ રહ્યો હતો. હું ત્યા મેદાન પર સમય વિતાવવા માંગતો હતો. કોઇ પણ કિંમતે ત્યા ઉભા રહેવાનું હતું. તે બાદ મે 59 રન બનાવ્યા. આ મારા જીવનનો ટર્નિંગ પોઇન્ટ હતો.